تىكەلەي ەفير الەۋمەتتىك جەلىدەگى تەاتردىڭ رەسمي پاراقشاسىنادا كورسەتىلەدى.
«پاندەميا مەن ونىڭ سالدارى كورەرمەنمەن بايلانىستىڭ جاڭا تۇرلەرىن ىزدەۋىمىزگە تۇرتكى بولدى. دۇنيەجۇزىندە تەاتر سالاسى ۇلكەن شىعىنعا باتىپ وتىر. ارينە, تەاتردا كورەرمەندەردى قابىلداي العانىمىزبەن, ولاردىڭ سانى شەكتەۋلى. ەكسكليۋزيۆتى ستريمينگ تاراتىلىمى وسى تۇيتكىلدى شەشۋ جولىنداي كورىنەدى. ياعني, وسى ارقىلى ءبىز كورەرمەن سانىن شەكتەمەيمىز, بۇعان قوسا كورەرمەندەرىمىزدىڭ گەوگرافياسى دا كەڭەيە تۇسەدى. كارانتين كەزىندە بۇل وتە ماڭىزدى», دەيدى «استانا بالەت» تەاترىنىڭ ديرەكتورى الەكساندر سوۆوستيانوۆ.
جاڭا ستريمينگ الاڭىنىڭ ەرەكشەلىگى وعان تەك ستاندارتتى تولىق فورماتتى كونتسەرتتەر, سپەكتاكلدەر نەمەسە دەرەكتى فيلمدەر عانا ەمەس, 360 گرادۋس فورماتىندا تۇسىرىلگەن قويىلىمدار ەنەتىن بولادى.
360 گرادۋستىق ءتۇسىرىلىم ارنايى كامەرامەن جاسالىپ, توڭىرەكتىڭ ءبارىن قامتيدى. قاراپايىم جالپاق ديسپلەيدەن تاماشالاعان كەزدە كورەرمەن كورسەتىلىم باعىتىن پانوراما رەتىندە ءوزى باقىلاي الادى, VR-كوزىلدىرىك كيسە, ءوزىن سول كورسەتىلىم ىشىندە جۇرگەندەي سەزىنەدى. 360 گرادۋس فورماتىنداعى سپەكتاكلدەر ارتىستەردىڭ كامەراعا قاراپ ارەكەت ەتكەنىنە قاراي قويىلعاندىقتان, كورەرمەن ءوزىن ەرەكشە كۇيدە سەزىنەدى.
