بۇل تۋرالى قالا اكىمدىگىنىڭ ءباسپاسوز قىزمەتى حابارلادى.
«ەلوردادا قاۋىپتى تۇرعىن ءۇي كەشەندەرىن جوندەۋ بويىنشا جۇمىستار جۇرگىزەمىز. بۇل قۇلاپ جاتقان پليتالار, جانعىش توسەمدەر, اپاتتى جاعدايداعى جەدەلساتىلارى بار ۇيلەر. مىسالى, «تەرريتوريا كومفورتا – 2» كوپپاتەرلى تۇرعىن ءۇي كەشەنى بارىنە بەلگىلى. تۇرعىندار كەزدەسۋلەر بارىسىندا ۇيدە تۇرۋدان ۇرەيلەنەتىنىن ايتقان. ولار جەلدى كۇنى بالالارىن دالاعا شىعارۋعا قورقادى ەكەن. بۇعان سەبەپ - ءۇيدى قاپتاپ تۇرعان پليتالاردىڭ ءجيى قۇلاۋى», دەدى ەلوردا اكىمى التاي كولگىنوۆ.
بۇل كوپپاتەرلى تۇرعىن ءۇي كەشەنىندە اۋقىمدى جۇمىستار جۇرگىزىلدى: قاسبەتى تولىق اۋىستىرىلدى, كەراموگرانيت پليتالار الىنىپ تاستالدى, جىلىتقىشتار, قاباتارالىق, ءورت جاعدايىنا ارنالعان ەسىكتەر جانە تاعى باسقالارى اۋىستىرىلدى. بۇرىن ءۇي پايدالانۋعا بەرىلمەگەن ەدى, تك-نىڭ مەكەنجايى بولمادى. تۇرعىندار پاتەرلەرىندە تىركەلە المادى, ياعني وزدەرى تۇراتىن اۋداننىڭ الەۋمەتتىك نىساندارىنىڭ قىزمەتتەرىن پايدالانا المادى.
اكىمنىڭ ايتۋىنشا, ەندى بۇل ماسەلەلەر شەشىلدى. بۇكىل قۇجاتتامانى دايىندالدى.. ەندى ءۇيدىڭ ءوز رەسمي مەكەنجايى بار. ماماندار پاتەر يەلەرىنە تەحنيكالىق پاسپورت بەرۋ ءۇشىن پاتەرلەر اۋماقتارىن ولشەۋگە كىرىستى.
سونىمەن قاتار نۇر-سۇلتاندا اپاتتى جاعدايداعى ۇيلەردى بۇزۋ جۇمىستارى جۇرگىزىلۋدە. 2019 جىلى 200-گە جۋىق وتباسى جاڭا تۇرعىن ۇيگە كوشىرىلدى, بيىل 200-دەن استام وتباسىن كوشىرۋ جوسپارلانۋدا.
