ءىس-شاراعا سەربيانىڭ كورنەكتى قوعام جانە ساياسي قايراتكەرلەرى, عالىمدار مەن ەلدەگى قازاق دياسپوراسىنىڭ وكىلدەرى قاتىستى.
سەرب تىلىنە اقىننىڭ شىعارماسىن اۋدارۋ ۇلى ابايدىڭ 175 جىلدىق مەرەيتويىن اتاپ ءوتۋ اياسىندا جۇزەگە اسىرىپ, ونىڭ ءومىربايانى, تاڭدامالى ولەڭدەرى مەن «قارا سوزدەرى» ەندى.
قازاقستان ەلشىسى عابيت سىزدىقبەكوۆ ءوز سوزىندە اباي شىعارمالارىنىڭ اۋدارماسى – ءاربىر سەرب وقىرمانىنىڭ قازاق حالقىنىڭ عاسىرلار بويى جيناقتالعان دانالىعى كورىنىس تاپقان ۇلاعاتتى تۇلعانىڭ ۇلى مۇراسىمەن تانىسا الاتىن جانە بۇگىنگى كۇنى دە وتە وزەكتى بولىپ قالا بەرەتىن جىرلارعا تولى بىرەگەي باسىلىم ەكەنىن اتاپ ءوتتى.
ەلشىلىك اقىن كىتاپتارىن بيىلعى قاراشا ايىنان بەرى جۇمىس ىستەپ كەلە جاتقان «دوستىق» قازاق-سەرب مادەني ورتالىعىنا تابىس ەتتى, سونداي-اق جيناق سەربيانىڭ ۇلتتىق كىتاپحاناسىنا جانە بەلگرادتىڭ عىلىمي جانە ءبىلىم بەرۋ مەكەمەلەرىنىڭ كىتاپحانا قورلارىنا جىبەرىلەتىن بولادى.
