وسى ءبىر وزەكتى ماسەلە اقتوبە وبلىسىنىڭ پروكۋراتۋراسى قر ىشكى ىستەر مينيسترلىگى اقتوبە زاڭ ينستيتۋتىمەن بىرلەسىپ وتكىزگەن «جەرگىلىكتى باسقارۋ ورگاندارىنىڭ, قۇقىق قورعاۋ ورگاندارىنىڭ ءدىني ەكسترەميزم مەن تەرروريزمنىڭ الدىن الۋ جانە جول بەرمەۋ بويىنشا قىزمەتىن جەتىلدىرۋ» تاقىرىبىنداعى وڭىرلىك عىلىمي-پراكتيكالىق كونفەرەنتسيادا كەڭىنەن اڭگىمە بولدى. كونفەرەنتسياعا وبلىس اكىمىنىڭ ورىنباسارى سارا نۇرقاتوۆا, جەرگىلىكتى اتقارۋ, قۇقىق قورعاۋ, سوت جانە ارنايى قىزمەت ورگاندارىنىڭ باسشىلارى, قىزمەتكەرلەرى, جوعارى وقۋ ورىندارىنان, كوللەدجدەردەن جاستار, ۇكىمەتتىك ەمەس ۇيىمداردىڭ, جاستار ۇيىمدارىنىڭ وكىلدەرى قاتىستى.
وسى ءبىر وزەكتى ماسەلە اقتوبە وبلىسىنىڭ پروكۋراتۋراسى قر ىشكى ىستەر مينيسترلىگى اقتوبە زاڭ ينستيتۋتىمەن بىرلەسىپ وتكىزگەن «جەرگىلىكتى باسقارۋ ورگاندارىنىڭ, قۇقىق قورعاۋ ورگاندارىنىڭ ءدىني ەكسترەميزم مەن تەرروريزمنىڭ الدىن الۋ جانە جول بەرمەۋ بويىنشا قىزمەتىن جەتىلدىرۋ» تاقىرىبىنداعى وڭىرلىك عىلىمي-پراكتيكالىق كونفەرەنتسيادا كەڭىنەن اڭگىمە بولدى. كونفەرەنتسياعا وبلىس اكىمىنىڭ ورىنباسارى سارا نۇرقاتوۆا, جەرگىلىكتى اتقارۋ, قۇقىق قورعاۋ, سوت جانە ارنايى قىزمەت ورگاندارىنىڭ باسشىلارى, قىزمەتكەرلەرى, جوعارى وقۋ ورىندارىنان, كوللەدجدەردەن جاستار, ۇكىمەتتىك ەمەس ۇيىمداردىڭ, جاستار ۇيىمدارىنىڭ وكىلدەرى قاتىستى.
وبلىس پروكۋرورى نۇرعالىم ءابدىروۆ سوڭعى جىلدار ىشىندە جاستار ءدىننىڭ اتىن جامىلعان ءداستۇرلى ەمەس اعىمداردىڭ, راديكالدى توپتاردىڭ جەتەگىندە كەتىپ جاتقانىن مىسالعا كەلتىردى. تەرىس پيعىلدى توپتاردىڭ جۇمىسىنا توسقاۋىل قويۋ ءۇشىن جەرگىلىكتى جەرلەردە تۇرعىندارمەن, شەتەلگە وقۋعا بارۋعا تالپىنعان جاستارمەن كەزدەسۋلەر, تۇسىنىك جۇمىستارىن جۇرگىزۋ كەرەكتىگىنە توقتالدى. ەلباسىنىڭ «قازاقستان-2050» ستراتەگياسىندا باسىمدىق بەرىلگەن مىندەتتەر قاتارىندا راديكاليزم, ەكسترەميزم جانە تەرروريزمنىڭ بارلىق قۇبىلىستارى مەن تۇرلەرىنە قارسى ارەكەت ەتۋ تۋرالى ايتىلعانىن تىلگە تيەك ەتە كەلىپ, قازىر ءدىني ەكسترەميزم مەن تەرروريزمنىڭ قاۋپى الەم ەلدەرىنىڭ ۇلتتىق قاۋىپسىزدىگىن نىعايتۋدى العا تارتىپ وتىرعانىن جەتكىزدى.
كونفەرەنتسيا سوڭىندا جاقىن-جۋىقتارى تەرىس اعىمداردىڭ سوڭىندا كەتىپ, اباقتىعا جابىلعان ءارتۇرلى تاعدىرلار تۋرالى دەرەكتى فيلمدەر كورسەتىلدى. وسىنداي فيلمدەردى جاستارعا وي سالۋ ءۇشىن تەلەارنالار ارقىلى جيىرەك كورسەتۋ تۋرالى پىكىرلەر ايتىلدى.
ساتىبالدى ءساۋىرباي,
«ەگەمەن قازاقستان».
اقتوبە وبلىسى.
