«بۇكىل الەمدەگىدەي قازاقستان ءۇشىن دە ءوتىپ بارا جاتقان جىل وتە اۋىر بولدى. دەگەنمەن, اۋقىمدى قيىندىقتار مەن سىرتقى جايتتاردىڭ قىسىمىنا قاراماستان, بيلىك وقيعا دامۋىنا, تەرىس قويىلىمدارىنىڭ جۇزەگە اسۋىنا جول بەرمەدى. ءىس جۇزىندە جىل بويى داعدارىسقا قارسى شتاب رەتىندە بارلىق مەملەكەتتىك ورگاندار – پرەزيدەنت اكىمشىلىگى, ۇكىمەت, اكىمدىكتەر توتەنشە جاعداي رەجىمىندە جۇمىس ىستەدى. پاندەميا كوپتەگەن جوسپارعا تۇزەتۋ جاساعانىمەن, ول مەملەكەتتىڭ جالپى كۇنتارتىبىن تۇبەگەيلى وزگەرتە العان جوق», دەپ جازدى ەرلان كارين.
ەرلان كاريننىڭ ايتۋىنشا, بۇگىندە بيلىك مالىمدەگەن رەفورمالار باعدارى جۇزەگە اسىپ كەلەدى. ساياسي رەفورمالاردىڭ العاشقى توپتاماسى جۇيەلەنىپ, سونىڭ اياسىندا بەيبىت جينالىستار تۋرالى جاڭا زاڭ دا قابىلداندى.
«زاڭ بىردەن ءوزىنىڭ ومىرشەڭدىگىن كورسەتتى. سايلاۋ, پارتيالار جانە پارلامەنت تۋرالى زاڭنامالارعا دا وزگەرتۋلەر ەنگىزىلدى. جاڭا نورمالار دا ءىس جۇزىندە جۇزەگە اسىرىپ جاتىر. تاۋەلسىزدىك كۇنى قارساڭىندا پرەزيدەنت كەلەسى جىلدىڭ باسىندا-اق ساياسي رەفورمالاردىڭ كەزەكتى توپتاماسى قابىلداناتىنىن جاريالادى. بۇل رەفورمالارعا باعدار ساقتالاتىنىن جانە ءارى قاراي جالعاساتىنىن بىلدىرەدى», دەدى ول.
بۇدان بولەك, پرەزيدەنت كومەكشىسى ءوتىپ بارا جاتقان جىلدا قوعامدىق-ساياسي الاڭداعى وزگەرىستەر جالعاسىن تاۋىپ كەلە جاتقانىن ەسكە سالدى. سونىمەن بىرگە قوعامدا ءتۇرلى بەلسەندى ازاماتتىق توپتار پايدا بولىپ, ساياسي پارتيالاردا دا بۋىن الماسۋىمەن قاتار, جاڭا تۇلعالار بوي كورسەتە باستاعانىن تىلگە تيەك ەتتى.
«سوندىقتان دا پاندەميا سىندى قۋاتتى سترەسس-تەستپەن بەتپە-بەت كەلگەن قازاقستاننىڭ كوروناداعدارىستىڭ تەرىس اسەرىن تومەندەتە العانى جانە ءوزىنىڭ دامۋ كۇنتارتىبىن جۇزەگە اسىرۋىن جالعاستىرۋى جىلدىڭ جالپى قورىتىندىسى سانالادى», دەپ تۇيىندەدى ەرلان كارين.
