Santo Member of Polpharma Group كومپانياسىنىڭ عىلىمي قورى مەديتسينا مەن فارماتسيا سالاسىنداعى عىلىمي زەرتتەۋدى جالعاستىرۋ ءۇشىن استانا مەديتسينالىق ۋنيۆەرسيتەتىنىڭ ەكى عالىمىنىڭ ارقايسىسىنا 1000000 تەڭگە كولەمىندە گرانتتاردى تاپسىردى.
Santo Member of Polpharma Group كومپانياسىنىڭ عىلىمي قورى مەديتسينا مەن فارماتسيا سالاسىنداعى عىلىمي زەرتتەۋدى جالعاستىرۋ ءۇشىن استانا مەديتسينالىق ۋنيۆەرسيتەتىنىڭ ەكى عالىمىنىڭ ارقايسىسىنا 1000000 تەڭگە كولەمىندە گرانتتاردى تاپسىردى.
«اكادەميالىق باعدارلامانىڭ» شاكىرتاقىسىن العاشقى بولىپ راۋشان ىسقاقوۆا جانە روزا قارابەكوۆا الىپ وتىر.
ۇستىمىزدەگى جىلى اتالمىش كومپانيا استانا مەديتسينالىق ۋنيۆەرسيتەتىنىڭ ىزدەنىمپاز عالىمدارىنا قولداۋ كورسەتۋ ماقساتىندا «اكادەميالىق باعدارلاما» تاعايىنداعان بولاتىن. باعدارلاما بيىلعى جىلدىڭ كوكتەمىندە استانا ەكونوميكالىق فورۋمىندا استانا مەديتسينالىق ۋنيۆەرسيتەتىمەن بىرگە قول قويىلعان مەموراندۋم شەڭبەرىندە جۇزەگە اسىرىلۋدا.
«اتالعان باعدارلاما مەملەكەت پەن جەكەمەنشىكتىڭ دەنساۋلىق ساقتاۋ سالاسىنداعى سەرىكتەستىگىنىڭ ناقتى دالەلى بولىپ تابىلادى جانە ول ءبىرىنشى كەزەكتە قازاقستان ازاماتتارىنىڭ ءومىر ءسۇرۋ ساپاسى مەن ولارعا كورسەتىلەتىن مەديتسينالىق قىزمەتتى جاقسارتۋعا باعىتتالعان. ءبىز وتاندىق عالىمداردىڭ زەرتتەۋشىلىك الەۋەتىن دامىتۋعا الداعى ۋاقىتتا دا ءوز ۇلەسىمىزدى قوسۋعا نيەتتىمىز», – دەپ اتاپ ءوتتى Santo Member of Polpharma Group باس ديرەكتورى شاحين ارسلان.
لاۋرەاتتارعا گرانتتاردى پولشا رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى ياتسەك كليۋچكوۆسكي جانە قازاقستان رەسپۋبليكاسىنىڭ يندۋستريا جانە جاڭا تەحنولوگيالار مينيسترلىگىنىڭ وكىلى گۇلنار ىلماليەۆا, Santo Member of Polpharma Group باس ديرەكتورى شاحين ارسلان جانە قازاقستان رەسپۋبليكاسى دەنساۋلىق ساقتاۋ مينيسترلىگىنىڭ عىلىم جانە ادام قورلارى دەپارتامەنتىنىڭ ديرەكتورى الما سىزدىقوۆا تاپسىردى.
ايناش ەسالي,
«ەگەمەن قازاقستان».
الماتى.
