قر ۇقك شەكارا قىزمەتىنىڭ اكادەمياسى الماتى قالاسىنداعى №1 بالالار ءۇيىنىڭ تاربيەلەنۋشىلەرىنە ارناپ اشىق ەسىك كۇنىن وتكىزدى.
قر ۇقك شەكارا قىزمەتىنىڭ اكادەمياسى الماتى قالاسىنداعى №1 بالالار ءۇيىنىڭ تاربيەلەنۋشىلەرىنە ارناپ اشىق ەسىك كۇنىن وتكىزدى.
اكادەميانىڭ تاربيە جانە الەۋمەتتىك-قۇقىقتىق جۇمىستار جونىندەگى باسقارماسى ايەلدەر كەڭەسىمەن بىرلەسە وتىرىپ, مادەنيەت ۇيىندە ەلىمىزدىڭ پرەزيدەنتى تۋرالى «مير نازارباەۆا» دەرەكتى ءفيلمىنىڭ كورسەتىلىمىن, سونداي-اق كونتسەرت جانە بايقاۋلار ۇيىمداستىردى. بالالار ءۇيىنىڭ تاربيەلەنۋشىلەرى الدىندا اكادەميانىڭ تاربيە جانە الەۋمەتتىك-قۇقىقتىق جۇمىستار جونىندەگى باسقارماسىنىڭ باستىعى, پولكوۆنيك سەرىك بەيسەكەەۆ قۇتتىقتاۋ ءسوز سويلەدى. قر ۇقك شەكارا قىزمەتى اكادەمياسىنىڭ قۇرىلۋى مەن قالىپتاسۋى تۋرالى, ءبىلىم ورداسىنىڭ قابىرعاسىنان تۇلەپ ۇشقان تۇلەكتەردىڭ كەڭ-بايتاق وتانىمىزدىڭ العى شەپتەرىن قورعاپ جۇرگەندىگىن تىلگە تيەك ەتتى.
اسەرلى فيلمنەن كەيىن كۋرسانتتاردىڭ ۇيىمداستىرۋىمەن كونتسەرت قويىلدى. كونتسەرت بارىسىندا تەك پاتريوتتىق تاقىرىپتاعى اندەر ايتىلىپ, بي بيلەنىپ قانا قويماي, ءارتۇرلى دۋمان-قويىلىمدار كورسەتىلىپ, وعان بالالاردىڭ وزدەرى دە بار كۇشتەرىمەن, البىرت كوڭىلدەرىمەن بەلسەندىلىكپەن قاتىسىپ, ساحنادا ونەر كورسەتىپ, كۋرسانتتاردى بارىنشا قولداپ وتىردى.
كۇردەلى ماتەماتيكالىق فيگۋرالاردى جيناپ, شىم-شىتىرىق لوگيكالىق ەسەپتەردى شەشۋدىڭ كەزەگى كەلگەندە ساحناعا ەرەسەك تاربيەلەنۋشىلەر شىعىپ, ءبىلىم, بىلىكتەرىن كورسەتتى. كونتسەرتتىڭ سوڭىندا كۋرسانتتار بالالارعا وزدەرى دايىنداعان جاڭا جىلدىق سىيلىقتارىن تابىستادى. ولاردىڭ قۋانىشىندا شەك بولمادى.
وسىلايشا وتە شىققان اشىق ەسىك كۇنىنىڭ سوڭىندا بالالار ءۇيىنىڭ ديرەكتورى عاينا ىسماعۇلوۆا ءسوز الىپ, تاربيەلەنۋشىلەردىڭ وسىلايشا وزدەرىن وتانىمىزدىڭ ءبىر بولشەگى رەتىندە سەزىنە ءبىلۋى, ەڭ باستىسى ولاردى جاقسى كورەتىندەردىڭ بار ەكەندىگىن ءبىلۋى باقىت ەكەندىگىن باسا ايتتى. اكادەميانىڭ تاربيە جانە الەۋمەتتىك-قۇقىقتىق جۇمىستار جونىندەگى باسقارماسىنىڭ باستىعى, پولكوۆنيك سەرىك بەيسەكەەۆ ءوز كەزەگىندە مۇنداي كەزدەسۋلەردىڭ الداعى كەزدە دە داستۇرگە اينالاتىندىعىن, شەكاراشىلار دايىندايتىن وقۋ ورنىنىڭ ەسىگى قاشاندا بالالار ءۇشىن اشىق ەكەندىگىن اتاپ ءوتتى.
ءىس-شارا سوڭى ىزگى تىلەكتەرگە ۇلاستى.
«ەگەمەن-اقپارات».
