سىبايلاس جەمقورلىققا قارسى ءىس قيمىل اگەنتتىگىنىڭ مالىمەتىنشە, كۇدىكتىگە جەكە كومپانيالاردىڭ باسشىلارىنان بوپسالاۋ ارقىلى بىرنەشە رەت پارا الدى دەگەن ايىپ تاعىلعان.
اتالعان ىسكە قاتىسى بار جەكە كومپانيانىڭ باس ديرەكتورىنا دا سوت ۇكىمى شىققان. ال تۇركسىب اۋداندىق تجب باسشىسى نۇرجان نۇرتاشەۆ 7 جىلعا باس بوستاندىعىنان ايىرىلدى.
"نۇرتاشەۆ "حوزۋ-الماتى" جشس باس ديرەكتورى الەكساندر بيريۋكوۆتان كوممەرتسيالىق قىزمەتىنە قامقورلىق كورسەتكەنى ءۇشىن 20 مىڭ تەڭگە, سونىمەن قاتار, تەرمينالداردىڭ مەتالل كونسترۋكتسيالارىندا ورتكە قارسى بوياۋمەن وڭدەۋدىڭ بولماۋى تۇرىندە انىقتالعان زاڭبۇزۋشىلىقتى بۇيرىقتا كورسەتپەۋ ءۇشىن تاعى ءبىر جەكە كومپانيانىڭ باسشىسىنان 840 مىڭ تەڭگە كولەمىندە پارا الدى دەگەن كۇدىككە ىلىنگەن", دەلىنگەن حابارلامادا.
تۇركسىب اۋداندىق سوتىنىڭ ۇكىمىمەن بيريۋكوۆ 1 جىلعا باس بوستاندىعىنان ايىرىلدى.
ەسكە سالا كەتەيىك, سوتتالعاندار ءومىر بويى مەملەكەتتىك قىزمەتتە جۇمىس ىستەۋ قۇقىعىنان ايىرىلدى.
