– بۇل – كوپ ەسكەرتكىشتىڭ ءبىرى ەمەس. ۇلتتىق قۇندىلىقتارىمىز بەن باي رۋحاني مۇرامىزدى ەسكە سالىپ تۇراتىن قاسيەتتى ءمۇسىن. جاننىڭ ازىعىن ىزدەپ, ادام بولمىسىن تۇسىنۋگە تىرىسقان حاكىم ابايدىڭ تۋىندىلارى ءوز ماڭىزىن جوعالتپاق ەمەس. ونىڭ ءار ءسوزى ءالى كۇنگە دەيىن رۋحىمىزعا قۋات, سانامىزعا اقىل بولىپ قۇيىلۋدا, – دەدى وبلىس اكىمى ءا.سقاقوۆ.
اباي ەسكەرتكىشىنىڭ اۆتورى – سۋرەتشىلەر وداعىنىڭ مۇشەسى, ءمۇسىنشى اسقار نارتوۆ. ەسكەرتكىش قولادان قۇيىلىپ, تۇعىر تاسى گرانيتتەن جاسالعان. ەسكەرتكىشتىڭ جالپى بيىكتىگى 10 مەتر. ونىڭ ىشىندە اباي ءمۇسىنىنىڭ بيىكتىگى – 5,25 مەتر. تۇعىرىنىڭ بيىكتىگى – 5 مەتر. تۇعىرىندا «ادامزاتتىڭ ءبارىن ءسۇي, باۋىرىم دەپ...» دەگەن جازبا بار.
سونداي-اق وبلىس ورتالىعىنداعى كوشەلەردىڭ بىرىنە اباي ەسىمى بەرىلگەن.
