مەرەيتويلىق باعدارلامانىڭ باستى جاڭالىعى بەلگىلى ۇستازدار تاجىريبەلەرىمەن بولىسەتىن ىبىراي ءالتىنساريننىڭ پەداگوگيكالىق شەبەرلىك ونلاين الاڭىنىڭ اشىلۋى بولىپ وتىر. العاشقى بوپ ءبىلىم جانە عىلىم مينيسترلىگى «ى. التىنسارين» توسبەلگىلەرىنىڭ يەگەرلەرى شاقىرىلادى. نازارباەۆ زياتكەرلىك مەكتەپتەرى جۇيەسىندە 80-نەن استام ادام جوعارى پەداگوگيكالىق ماراپات يەگەرلەرى. ولار ەلورداداعى فيزيكا-ماتەماتيكا باعىتىنداعى زياتكەرلىك مەكتەپتىڭ ماتەماتيكا ءپانى مۇعالىمى گۇلنار اپەەۆا, نۇر-سۇلتان قالاسىنداعى نازارباەۆ زياتكەرلىك مەكتەبىنىڭ تاريح ءپانى مۇعالىمى ساۋلە احمەتوۆا, وسكەمەندەگى NIS-ءتىڭ بيولوگيا ءپانى مۇعالىمى تاتيانا دجەجەريا, شىمكەنتتەگى حيميا-بيولوگيا باعىتىنداعى زياتكەرلىك مەكتەپتىڭ اعىلشىن ءتىلى ءپانىنىڭ مۇعالىمى شولپان جايلاۋبەكوۆا, پاۆلودار قالاسىنداعى زياتكەرلىك مەكتەپ ديرەكتورىنىڭ ورىنباسارى يرينا بابيچ جانە وزگە دە مۇعالىمدەر.⠀
كاسىبي ديالوگ پەن كەزدەسۋ ورنىنا اينالاتىن NIS-ءتىڭ ونلاين الاڭىنا ەلىمىزدەگى جالپى ءبىلىم بەرەتىن مەكتەپتەردەن تاجىريبەلى مۇعالىمدەر قوسىلادى دەپ جوسپارلانۋدا. ⠀
قازاقتىڭ ۇلى پەداگوگىنىڭ شىعارماشىلىعى مەن اعارتۋشىلىق قىزمەتىنە ارنالعان تاقىرىپتىق سيمپوزيۋم نازارباەۆ زياتكەرلىك مەكتەپتەرىنىڭ جىل سايىنعى حالىقارالىق عىلىمي-پراكتيكالىق كونفەرەنتسياسىندا اشىلماق. ءداستۇرلى تامىز كونفەرەنتسياسىنداعى تابىستى تاجىريبەلەر پانوراماسى دا ىبىراي ءالتىنساريننىڭ مەرەيتويى شەڭبەرىندە وتەتىن بولادى. ⠀
«دوڭگەلەك ۇستەلدەر» سەرياسى زاماناۋي ءبىلىم بەرۋدەگى باستى ترەندتەر – ەڭبەك نارىعىنداعى جاڭا تالاپتارعا, جاپپاي ستاندارتتاۋدان جاپپاي بىرەگەيلىككە كوشۋگە, جاساندى ينتەللەكت داۋىرىندە ۇستازداردىڭ الماسپايتىندىعىنا, تابىستى ءبىلىم بەرۋ جۇيەسىندەگى باعالاۋ مەن وزگە دە سۇراقتارعا ارنالادى. ⠀
جاڭا جاعدايداعى ءبىلىم بەرۋدىڭ ميسسياسىن انىقتايتىن باسىم باعىتتار بويىنشا تالدامالىق ماقالالار توپتاماسى ازىرلەنۋدە, – بالالارعا يگىلىكتى ورتا قۇرۋ, مۇعالىمدەردىڭ كاسىبي دامۋى, بەياكادەميالىق ۇلگەرىم, فۋنكتسيونالدىق ساۋاتتىلىقتى قالىپتاستىرۋ, ساندىق ابوريگەندەردىڭ كيبەرقاۋىپسىزدىگى, covid generation ءۇشىن مەگا تاۋەكەلدەر. ⠀
مەرەيتويلىق باعدارلاما اياسىندا ەلىمىزدە ۇلكەن قىزىعۋشىلىق تۋدىرعان « ۇلىلىقتىڭ جولىندا ۇستاز تۇرار» جوباسى دا ءوز جالعاسىن تاباتىن بولادى.⠀
نازارباەۆ زياتكەرلىك مەكتەپتەرىندە ىبىراي ءالتىنساريننىڭ 180 جىلدىعىنا ارنالعان العاشقى شارالار لەگى قاڭتار ايىندا باستاۋ الماق.⠀
