"پاندەميا باستالعالى پوليتسيا تۇرعىندارعا قۇقىقتىق تۇرعىدان عانا ەمەس, قولدان كەلگەنشە, ماتەريالدىق جاعىنان دا كومەك قولىن سوزۋدا. بۇل ءبىزدىڭ اينىماس ۇستانىمدارىمىزدىڭ ءبىرى. ارقالىق قالاسىنىڭ ءتارتىپ ساقشىلارى ۇنەمى قايىرىمدىلىق ءىس-شارالارىنا بەلسەندى اتسالىسىپ وتىرادى", دەيدى ارقالىق قالاسى پوليتسيا باسقارماسىنىڭ باستىعى نۇربول سادەن.
ازىق-ت ۇلىك تولى دوربا ارقالاعان ءتارتىپ ساقشىلارى كەشە ءۇش ۇيگە باس سۇقتى. توسىن تارتۋ الىپ, كوڭىلى جادىراپ قالعان كوپ بالالى انالار پوليتسيا قىزمەتكەرلەرىنە العىس ءبىلدىرىپ جاتتى.
"بۇگىن قالالىق پوليتسيا باسقارماسىنىڭ قىزمەتكەرلەرى ۇيىمىزگە كەلىپ, ازىق-ت ۇلىك پەن مەكتەپكە قاجەتتى بارلىق قۇرال-جابدىقتى تابىستادى. وسىنداي قيىن كەزدە قولدا بارىمەن ءبولىسۋ, قولداۋ بەرۋ – ناعىز ەلشىلدىكتىڭ بەلگىسى دەپ بىلەمىن. بالالارىمدى قۋانىشقا بولەگەن پوليتسەيلەردىڭ جۇمىسىنا تابىس, وتباسىلارىنا اماندىق پەن بەرەكە تىلەيمىن", دەدى ميزحانوۆتار اۋلەتىنىڭ وتاناسى.
