ەلىمىز تاۋەلسىزدىك العان جىلداردا جۇلدىزى جوعارى بولىپ, جارقىراپ كورىنگەن باسىلىمداردىڭ بىرەگەي دارابوزى «ەگەمەن قازاقستان» گازەتى دەر ەدىم. ءوز باسىما, اسىرەسە, گازەتتىڭ باستى بايلىق – دەنساۋلىق ماسەلەلەرىنە باسا كوڭىل ءبولىپ, جۇيەلى جازاتىنى ۇنايدى. مۇندا ۇلت دەنساۋلىعىنىڭ تۇيتكىلدى جايلارىن كەڭىنەن تولعاعان ماقالا-سۇحباتتاردى وقىعان سايىن قۋانىپ قالامىن. ءبىر ايتارلىعى, گازەت جۋرناليستەرىنىڭ مەديتسينا ماسەلەلەرىن, دەنساۋلىق ساقتاۋ ءىسىن جازۋدا مول تاجىريبە جيناعاندىعى, تاقىرىپتى جەتە زەردەلەيتىنى, سالانى بىلەتىندىگى تايعا تاڭبا باسقانداي كورىنىپ تۇرادى. سالاماتتى ءومىر سالتىنىڭ, اۋىل-اۋداندارداعى ەمدەۋ ساپاسىنىڭ كوپتەگەن پروبلەمالارى دا وتكىر ايتىلىپ جاتادى. ءوزىم دارىگەر, ءومىر بويى ادام جانىنىڭ اراشاشىسى بولىپ كەلە جاتقاندىقتان, ەلدىڭ باس باسىلىمىنىڭ ءوز سالامىزدى ءدايىم نازاردا ۇستاۋىن جاقسى نىشانعا بالايمىن.
ەلىمىز تاۋەلسىزدىك العان جىلداردا جۇلدىزى جوعارى بولىپ, جارقىراپ كورىنگەن باسىلىمداردىڭ بىرەگەي دارابوزى «ەگەمەن قازاقستان» گازەتى دەر ەدىم. ءوز باسىما, اسىرەسە, گازەتتىڭ باستى بايلىق – دەنساۋلىق ماسەلەلەرىنە باسا كوڭىل ءبولىپ, جۇيەلى جازاتىنى ۇنايدى. مۇندا ۇلت دەنساۋلىعىنىڭ تۇيتكىلدى جايلارىن كەڭىنەن تولعاعان ماقالا-سۇحباتتاردى وقىعان سايىن قۋانىپ قالامىن. ءبىر ايتارلىعى, گازەت جۋرناليستەرىنىڭ مەديتسينا ماسەلەلەرىن, دەنساۋلىق ساقتاۋ ءىسىن جازۋدا مول تاجىريبە جيناعاندىعى, تاقىرىپتى جەتە زەردەلەيتىنى, سالانى بىلەتىندىگى تايعا تاڭبا باسقانداي كورىنىپ تۇرادى. سالاماتتى ءومىر سالتىنىڭ, اۋىل-اۋداندارداعى ەمدەۋ ساپاسىنىڭ كوپتەگەن پروبلەمالارى دا وتكىر ايتىلىپ جاتادى. ءوزىم دارىگەر, ءومىر بويى ادام جانىنىڭ اراشاشىسى بولىپ كەلە جاتقاندىقتان, ەلدىڭ باس باسىلىمىنىڭ ءوز سالامىزدى ءدايىم نازاردا ۇستاۋىن جاقسى نىشانعا بالايمىن.
«ەگەمەن» تولعايتىن ەلدىك ماسەلەلەرىنە ەلەڭدەمەي تۇرا المايمىن. ەلباسىنىڭ ساليقالى ساياساتىن حالىققا جەتكىزۋدى باستى مۇرات سانايتىن باسىلىمنىڭ ءار جاعدايداعى بايىپتىلىعى, ۇستامدىلىعى ءتانتى ەتەدى. سونىمەن بىرگە, قاجەت جەرىندە باتىلدىق تا تانىتا بىلەدى. رۋحانيات, تاريح, ءتىل مەن ءدىل ورايىنداعى گازەتتىڭ ۇستانىمى اركەز كوپشىلىكتىڭ, قالىڭ وقىرماننىڭ كوڭىلىنەن شىعىپ كەلە جاتقانى انىق. گازەتتىڭ مەن بايقاعان ارتىقشىلىقتارىنىڭ ءبىرى سول, قازاققا كەرەكتىنى استە دە قالت ءجىبەرمەيدى. تاۋەلسىز قازاقستاننىڭ تابىستارىنا, قازاق ەلىنىڭ الەمدىك ابىرويىنا رياسىز قۋانادى. سوندىقتان, مەن ونى ءوز ميسسياسى مەن پارىزىنا سەرگەك, الاش مۇراتىنا بارىنشا ادال باسىلىم دەپ ەسەپتەيمىن.
باز بىرەۋلەر بيلىك پەن حالىقتىڭ اراسىنا جىك قويا سويلەپ, سودان ۇپاي جينايتىن سىڭايلى. ال وتانىمىزدىڭ باس گازەتىنە ولاي جىكتەۋ جات. ءبىزدىڭ ەلىمىزدە بيلىك پەن حالىق ءبىرتۇتاس. ەلدەگى بەرەكە-بىرلىك پەن تىنىشتىق سونىڭ ايعاعى. وسى اقيقاتتى ودان ءارى ايعاقتاي تۇسەتىن پاراساتتى ەلدىك ءسوزىن «ەگەمەن قازاقستان» گازەتىنىڭ ايتۋى دا جاراسىمدى. بۇل رەتتە باس گازەتكە تىكەلەي ءوزىمنىڭ دە ايتاتىن العىس-راحمەتىم مول. بەلدى جۋرناليست سۇلەيمەن مامەتكە بەرگەن سۇحباتىمدا ايتقان وزىندىك وي-پىكىرلەرىمدى جونباي-قىرماي جاريالادى. ورايىمەن ماقالالارىمدى باسىپ تۇرادى. وي-پىكىر ەركىندىگىن قۇرمەتتەيدى. سوعان وراي زاڭدى تۇردە زاماننىڭ زاڭعار باسىلىمىنا اينالعان گازەتتى زيالى قاۋىم وكىلى, ءبىز دە قۇرمەتتەيمىز.
كامال ورمانتاەۆ,
ۇلتتىق عىلىم اكادەمياسىنىڭ اكادەميگى.
الماتى.
