بيىل الماتىنىڭ كوپ بالالى انالارى كاسىپ اشۋ ءۇشىن 406 ملن تەڭگەگە دەيىن گرانت الدى. سول سياقتى «شىڭعا ورلەۋ» الەۋمەتتىك كلۋبى جوباسى ىسكە قوسىلىپ, مۇگەدەك جانداردى الەۋمەتتەندىرۋ جانە جۇمىسقا ورنالاستىرۋ ماقساتىندا العاش رەت Ten qogam الەۋمەتتىك قولداۋ ورتالىعى اشىلدى. جىل سوڭىنا قاراي, الماتىداعى «ىسكەر انا» ورتالىعىنىڭ مەدەۋ اۋدانىندا ورنالاسقان جالعىز بيزنەس ينكۋباتورى العاشقى تۇلەكتەرىن قاناتتاندىردى. الدىمەن «ىسكەر انا» ورتالىقتارى قالانىڭ بارلىق اۋدانىندا جۇمىس ىستەپ تۇرعانىن, بىراق مەدەۋ اۋدانىنىڭ ارتىقشىلىعى الەۋمەتتىك بيزنەس باستاۋ اتاۋىنا يە بولعاندىقتان, 4 مودۋل بويىنشا ايەلدەردى كاسىپكەرلىككە وقىتاتىنىن اتاپ ءوتۋ كەرەك. بيزنەس ينكۋباتوردىڭ العاشقى تۇلەكتەرى ءبىر جىل ءبىلىم الدى. ەندى قابىلداناتىن توپتار جارتى جىلدان وقيتىن بولادى.
«باقىتتى وتباسى» ورتالىقتارى كوپ بالالى ايەلدەردىڭ الەۋمەتتىك تۇرعىدا العا جىلجۋىنا قارجىلاي ەمەس قولداۋ كورسەتۋ ماقساتىندا قۇرىلعان ەدى. ال مەدەۋ اۋدانىنىڭ «باقىتتى وتباسى» بازاسىندا قۇرىلعان بيزنەس-ينكۋباتور قابىرعاسىنداعى قولداۋدىڭ بۇل فورماتى جاس كاسىپكەر انالارعا جۇمىستاعى تاۋەكەلدەردى ازايتۋعا, كليەنتتەر تارتىپ, تابىسقا جەتۋگە كومەكتەسەدى.
الەۋمەتتىك ينكۋباتور – مەدەۋ اۋدانى اكىمدىگىنىڭ قولداۋىمەن تەگىن قامتاماسىز ەتىلگەن, ءار ايەلگە ارنالعان جەكە بولمەلەرى بار, كەزدەسۋلەر مەن ءبىلىم بەرۋ ءىس-شارالارىن وتكىزۋگە ارنالعان كەڭسە الاڭى, كاسىپكەرلەر, ۇكىمەتتىك ەمەس سەكتور مەن جەرگىلىكتى بيلىك اراسىنداعى الەۋمەتتىك سەرىكتەستىكتىڭ قاناتقاقتى جوباسى. ايەلدەردىڭ كاسىپكەر رەتىندە ءوسۋىنىڭ تاماشا ءبىر ايعاعى – بيزنەس-ينكۋباتوردىڭ ەكى قاتىسۋشىسى 505 مىڭ تەڭگە ستارتاپ-گرانتتان بولەك ارقايسىسى 2 ملن تەڭگە كولەمىندە ەكىنشى مەملەكەتتىك قولداۋعا يە بولدى. ايەلدەر وزدەرىنىڭ جاڭا جوبالارىندا وسى ينكۋباتور اياسىندا ودان ءارى ىنتىماقتاستىقتى بىرىكتىرۋدى كوزدەپ وتىر.
2020 جىلى 15 مەموراندۋمعا قول قويىلىپ, ولار ينكۋباتوردىڭ تۇجىرىمداماسىن ءارى قاراي دامىتۋعا سەپتەستى. الەۋمەتتىك ينكۋباتوردىڭ ەندىگى ماقساتى – حالىقتىڭ الەۋمەتتىك وسال توپتارىن تابىسقا قۇلشىندىرا وتىرىپ, وسى ارقىلى ومىرلىك قيىنشىلىقتاردى جەڭىپ شىعۋعا ىقپال ەتۋ. بۇل ءۇشىن ولار كاسىپكەرلەرگە يدەيالىق كەزەڭنەن باستاپ تۇراقتى پوزيتسيانى قالىپتاستىرۋعا دەيىن قولداۋ كورسەتەدى. ءىس باستاعان قىز-كەلىنشەكتەر بيزنەستىڭ قىر-سىرىن مەڭگەرەدى.
بۇگىنگى تۇلەكتەر شامامەن 10 ملن تەڭگەنىڭ ءونىمىن ساتا الدى. تۇلەكتەر – بۇل كوپ بالالى انالار, ولاردىڭ اراسىندا باستاپقىدا ااك الۋشىلارى بولعان. بۇل قىز-كەلىنشەكتەر جەكە كاسىپ اشقاننان كەيىن ااك-تەن باس تارتىپ, وزدەرى دە تابىس تابا باستادى. ەرەكشە قاجەتتىلىكتەرى بار بالالاردى تاربيەلەپ وتىرعان انالار دا بار.
الماتى
