رۋحانيات • 22 جەلتوقسان، 2020

جەنەۆاداعى ۇلتتار سارايىندا ابايدىڭ ءبيۋستى قويىلدى

62 رەت كورسەتىلدى

بۇۇ جەنەۆا بولىمشەسىندە قازاقتىڭ ۇلى اقىنى اباي قۇنانباي ۇلىنىڭ 175 جىلدىعىنا جانە بىرىككەن ۇلتتار ۇيىمىنىڭ 75 جىلدىعىنا ارنالعان ءبيۋستىڭ سالتاناتتى اشىلۋى ءوتتى. ءىس-شاراعا ءبولىم باسشىلىعى مەن قىزمەتكەرلەرى، بىرقاتار بۇۇ-عا مۇشە مەملەكەتتەردىڭ وكىلدەرى قاتىستى، دەپ حابارلايدى Egemen.kz

سالتاناتتى شاراعا قاتىسۋشىلاردىڭ نازارىنا پرەزيدەنت قاسىم-جومارت توقاەۆتىڭ بۇۇ باس اسسامبلەياسىنىڭ 75-ءشى سەسسياسىندا ابايدىڭ 175 جىلدىعىنا ارنالعان بايانداماسىنان ۇزىندىلەر جانە ابايدىڭ تاريحي وتانىندا وعان اشىلعان ەسكەرتكىش تۋرالى فيلم ۇسىنىلدى.

بۇۇ-نىڭ جەنەۆاداعى بولىمشەسىنىڭ باس ديرەكتورى تاتيانا ۆالوۆايا بۇۇ-نىڭ 75 جىلدىعىنا وراي ۇلتتار سارايىنىڭ تاريحي عيماراتىندا ءبيۋستتىڭ اشىلۋىنىڭ سيمۆولدىق ءمانى بار ەكەنىن اتاپ ءوتتى. ول قازاقستاندىقتاردى تاۋەلسىزدىك كۇنىمەن قۇتتىقتاپ، ەلدىڭ حالىقارالىق ساياساتتاعى، ەكونوميكالىق، الەۋمەتتىك جانە مادەني دامۋداعى ماڭىزدى ءرولى مەن جەتىستىكتەرىن اتاپ ءوتتى. ت.ۆالوۆايا ۇلى اقىن، ويشىل جانە كومپوزيتور ابايدىڭ شىعارماشىلىق مۇراسىنىڭ تەك مەملەكەتىمىز ءۇشىن عانا ەمەس، بۇكىل ەۋرازيا ءوڭىرى ءۇشىن ماڭىزى زور ەكەنىن، سونداي-اق باتىس جانە شىعىس مادەنيەتىن بىرىكتىرەتىن كوپىر بولىپ تابىلاتىنىن، مىسال رەتىندە ابايدىڭ لەرمونتوۆتىڭ قازاق تىلىنە اۋدارمالارى ارقىلى نەمىس اقىنى گيوتە شىعارماشىلىعىن تاراتۋداعى ءرولىن كەلتىرەتىنىن اتاپ ءوتتى.

قازاقستاننىڭ جەنەۆاداعى بۇۇ جانىنداعى تۇراقتى وكىلى جانار ايتجانوۆا ءوز ءومىرىن اعارتۋشىلىققا ارناعان ابايدىڭ 175 جىلدىعى بيىل بۇكىل الەمدە كەڭىنەن اتاپ وتىلگەنىن ايتىپ كەتتى. ونىڭ ايتۋىنشا، اباي شىعارماشىلىعى ەلدەر مەن حالىقتاردىڭ جاقىنداسۋىنا ىقپال ەتتى، ونىڭ تولەرانتتىلىق، ماحاببات يدەيالارى بۇۇ-نىڭ 75 جىلدىعىندا اسا وزەكتى بولىپ تابىلادى. قازاقستاندىق ديپلومات ابايدىڭ ءبيۋستىن ورناتۋ ءۇشىن قارۋسىزدانۋ جونىندەگى كونفەرەنتسيانىڭ ءماجىلىس زالىنا قاراما-قارسى ورىندى تاڭداۋدىڭ سيمۆولدىق ءمانىن اتاپ ءوتىپ، ابايدىڭ «ادامزاتتىڭ ءبارىن ءسۇي باۋىرىم...»  دانا قارا سوزدەرى بۇۇ قوعامداستىعىنا ىزەت، بەيبىتشىلىكتى، بىرلىكتى جانە كوپجاقتى ديپلوماتيانى نىعايتۋعا ىقپال ەتەتىنىنە سەنىم ءبىلدىردى.

 

سوڭعى جاڭالىقتار

شەكارانىڭ شەبى بەرىك

قازاقستان • كەشە

باقىت مينيسترلىگى

قوعام • كەشە

ەلەكتر جەلىلەرى توزىپ تۇر

ەكونوميكا • كەشە

ۇلت ۇستازىنىڭ ۇلاعاتى

احمەت بايتۇرسىن ۇلى • كەشە

«قىلمىسكەر» قالام

ونەر • كەشە

ۇقساس جاڭالىقتار