ءبىر جىل بۇرىن سقو اقجار اۋدانىنداعى «تالشىق استىق LTD» جشس ەلەۆاتورىنا شولاق مىلتىقپەن قاراقشىلىق شابۋىل جاسالىپ, 170 ميلليون تەڭگەنى قولدى بولعان ەدى. ىسكە قاتىسى بار ءتورت كۇدىكتى ىزدەۋدە بولدى. جۋىردا سولاردىڭ ءبىرى نۇر-سۇلتان قالاسىندا ۇستالدى.
33 جاستاعى كۇدىكتى قازىر استانانىڭ ۋاقىتشا ۇستاۋ يزولياتورىندا وتىر. بۇل – ەكىنشى قىلمىسكەر. ال بىرەۋى قاڭتار ايىندا ۇستالعان بولاتىن. قازىر قالعاندارىن ىزدەستىرۋ جالعاسىپ جاتىر.
«قىلمىسكەرلەردى ىزدەۋ – كريمينالدىق پوليتسيا بولىنىستەرى جۇمىستارىنىڭ ماڭىزدى باعىتتارىنىڭ ءبىرى. سقو-دا جىل باسىنان 47 قىلمىسكەرگە ىزدەۋ جاريالاندى. بۇگىن سونىڭ 35-ءى ۇستالدى, ونىڭ ىشىندە ۇشەۋى قاراقشىلىق شابۋىل, ەكەۋى اۋىر دەنە جاراقاتتارىن كەلتىرگەن, - دەيدى سقو پد كپب باستىعى پوليتسيا پولكوۆنيگى پيوتر كليموۆ.
