بەلسەندى جاستار مەملەكەتتىك تۋدى الدىمەن «نۇرسايا» شاعىن اۋدانىنداعى 17ا مەكەنجايىنداعى كوپ قاباتتى ءۇيدىڭ بالكونى مەن تەرەزەسىنە ءىلدى.
«بۇگىن اتىراۋلىق جاستار ەلگە, وتانعا دەگەن سۇيىسپەنشىلىكپەن وسى اكتسياعا قولداۋ ءبىلدىرۋءدى ۇيعاردىق. ءبىزدىڭ ارامىزدا وقۋ ورىندارىنىڭ بەلسەندى ستۋدەنتتەرى دە بار. كوپ قاباتتى ءۇيدىڭ بالكونىندا تاۋەلسىزدىگىمىزدءىڭ سيمۆولى – كوك تۋىمىز جەلبىرەپ تۇر. مۇنداي ءسات ءار ازاماتقا پاتريوتتىق رۋح بەرىپ, ەرەكشە سەزىمگە بولەيدى. باستى تىلەگىمىز – كوك بايراعىمىز كوكتە جەلبىرەتۋ. وتانىن شىن سۇيەتىن پاتريوت جاستار ەلىمىزدىڭ وركەندەگەنىن, تاۋەلسىزدىگىمىزدىڭ ماڭگىلىك بولعانىن قالايدى» دەيءدى ۆولونتەرءدىڭ ءبىرى يلياس ۇسەنعاليەۆ.
ۆولونتەرلەر اكتسيانى قالانىڭ ت.جۇماعاليەۆ كوشەسىندەگى №23, ب.قۇلمانوۆ كوشەسى, 112/1 مەكەنجايىنداعى كوپقاباتتى ۇيلەردە, «BELUGA» قوناقۇيىندە جالعاستىردى.
