2020 جىلى پوليتسەيلەر العاشقى رەت جەرلەستەرىمىزدىڭ قاۋىپسىزدىكتەرىن عانا ەمەس, دەنساۋلىقتارىن ساقتاۋدا العى شەپتە تۇردى. بۇل جاۋاپتى جۇمىستا ۆولونتەرلار مەن جۇرتشىلىق زور كومەك كورسەتتى. وبلىستىق پوليتسيا باسشىسى پوليتسيا پولكوۆنيگى مارات تولەباەۆ: «پوليتسەيلەردىڭ ەرلىكتەرى مەن باتىلدىقتارىن ەل باسشىلىعى جوعارى باعالاۋدا جانە ازاماتتاردىڭ قۇرمەتىنە يە. سوندىقتان الداعى ۋاقىتتا دا ءار قىزمەتكەر ورتاق ەلىمىز – قازاقستان رەسپۋبليكاسى يگىلىگىنە مۇلتىكسىز قىزمەت ەتىپ, حالىق سەنىمىن تولىق اقتاۋعا مىندەتتىمىز», دەدى.
ورتاق ىسكە كومەكتەسكەن ەرىكتىلەر سۆەتلانا لەۆچەنكو, رومان شارىپوۆ, كسەنيا موكرينسكايا, سونداي-اق ءىىو ارداگەرى پەتر اكسەنوۆ پد باسشىسىنىڭ ماراپاتتارىنا يە بولدى. ماراپاتتاۋ كەزىندە باس پوليتسەي ەرىكتىلەردىڭ جوعالعان ازاماتتاردى ىزدەۋدە اۋقىمدى جۇمىس جۇرگىزگەنىن جانە باسقا دا ماڭىزدى تاپسىرمالاردى ورىنداۋدا كومەك كورسەتكەنىن ەڭبەگىن جوعارى باعالادى.
ماراپاتتان شارۋا قوجالىقتارى باسشىلارى دا نازاردان تىس قالدىرمادى. اۋا-رايىنىڭ قولايسىزدىعى كەزىندە ادامي جانە تەحنيكالىق رەسۋرستاردى قاجەت ەتەتىن جولدارداعى فورس-ماجور جاعدايلارداعى كورسەتكەن كومەكتەرى ءۇشىن اققايىڭ جانە قىزىلجار اۋداندارىنىڭ جشس ديرەكتورلارى قايرات قاسقىرباەۆ پەن لەونيد راپاتسەۆيچكە العىس حاتتار تابىستالدى.
سونداي-اق, تاۋەلسىزدىك كۇنى قارساڭىندا 8 وفيتسەر مەن سەرجانت ارنايى اتاقتارىن الدى. اقپاراتتاندىرۋ جانە بايلانىس باسقارماسىنىڭ باستىعى الەكسەي دەمەنتەۆكە «پوليتسيا پولكوۆنيگى», پروتسەسسينگتىك ورتالىقتىڭ باستىعى اسەت ماتەنگە «پوليتسيا پودپولكوۆنيگى» اتاقتارى مەرزىمدەرىنەن بۇرىن بەرىلدى.
سولتۇستىك قازاقستان وبلىسى
