جاڭا جاتاقحانا ەلباسى – تۇڭعىش gرەزيدەنتتىڭ بەس الەۋمەتتىك باستاماسى اياسىندا بوي كوتەردى. ونىڭ قۇرىلىسىنا «تەڭىزشەۆرويل» جشس «يگىلىك» الەۋمەتتىك باعدارلاماسى ارقىلى قارجى بولگەن. ءتورت قاباتتى جاتاقحانا بولمەلەرى كۇندەلىكتى تۇرمىسقا قاجەتتى جابدىقتارمەن قامتاماسىز ەتىلگەن. مۇندا ستۋدەنتتەرمەن بىرگە جاس وتباسىلار دا تۇرا الادى. ءار قاباتتا 4 تەلەديدار مەن 12 اۆتوماتتى كىر جۋ ماشينكاسى بار.
«قازىر وڭىردەگى 24 تەحنيكالىق جانە كاسىپتىك ءبىلىم بەرۋ ۇيىمدارىندا 15 مىڭنان استام ستۋدەنت ءبىلىم الادى. ولاردىڭ جاتاقحاناعا دەگەن سۇرانىسىن 2022 جىلعا دەيىن شەشۋدى كوزدەپ وتىرمىز. ەلباسىنىڭ «بەس الەۋمەتتىك باستاما» ۇندەۋىندەگى تاپسىرماسىنا سايكەس, 2018 جىلى ارنايى جول كارتاسى قابىلداندى. سونىڭ اياسىندا 2 جاتاقحانانىڭ قۇرىلىسى اياقتالدى», دەدى ايماق باسشىسى ماحامبەت دوسمۇحامبەتوۆ.
ال اتىراۋ قالاسى جانە يندەر مەن جىلىوي اۋداندارىندا كوللەدج جاتاقحانالارى سالىنىپ جاتىر
قازىر اتالعان كوللەدجدە 773 ستۋدەنت وقيدى. ونىڭ 189-ءى – اۋىلدىق ەلدى مەكەندەردەن كەلگەن جاستار. سونداي-اق, ينجەنەر-وقىتۋشىلار قۇرامىنداعى 93 ماماننىڭ جيىرماسى وزگە وڭىرلەر مەن اۋىلداردان كەلىپتى.
