جۇمىسشىلاردىڭ بۇل ارەكەتىن جىلىوي اۋداندىق پوليتسيا ءبولىمى تەڭىز پوليتسيا بولىمشەسىنىڭ قىزمەتكەرلەرى بايقاپ قالعان. سودان كەيىن پوليتسەيلەر كەن ورنىنداعى بلوك-بەكەتتى اينالىپ وتۋگە تىرىسقان ءبىر توپ ادامنىڭ جولىن كەستى.
«اتالعان بولىمشەنىڭ پاترۋلدىك پوليتسيا ينسپەكتورى, پوليتسيا كاپيتانى تىلەۋكە قۇماروۆ ارىپتەستەرىمەن بىرگە قۇلسارى قالاسىندا تۇراتىن 31 جاستاعى ازاماتتىڭ باسقارۋىنداعى «Lada Granta» كولىكتى ۆاحتالىق كەنتكە كىرەبەرىستە توقتاتتى. جۇرگىزۋشىدەن وزگە سالوندا ءتورت ەر ادام بولعان. ولاردىڭ ەكەۋى ورىنبور قالاسىندا تۇراتىن رەسەي ازاماتتارى بولىپ شىقتى», دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
قۇجاتتاردى تەكسەرۋ كەزىندە ءۇش جولاۋشىنىڭ, ونىڭ ىشىندە ءبىر رەسەيلىك ازاماتتىڭ قولىندا پتر-تەستتەن وتكەندىگى تۋرالى انىقتاما بولماي شىقتى. كولىكتەگىلەر «تەڭىز» ۆاحتالىق كەنتى اۋماعىندا ورنالاسقان كومپانيالاردىڭ بىرىنە بارۋدى كوزدەگەن.
قازىر جيناقتالعان قۇجاتتار ءتيىستى شەشىم قابىلداۋ ءۇشىن اۋداندىق سانيتارلىق-ەپيدەميولوگيالىق قاداعالاۋ بولىمىنە جولداندى.
