«مەملەكەت باسشىسىنىڭ تاپسىرماسىنا ساي ەل ۇكىمەتى ازاماتتارىمىزدى قاۋىپتى ىندەتتەن امان الىپ قالۋ ءۇشىن دەر كەزىندە ء تيىستى شارالاردى قابىلدادى. الەمدى شارپىعان قاۋىپتى دەرت بىزگە دە وڭاي سوقپاعانىمەن, تاجىريبەلى دارىگەرلەرىمىز بەن ورتا جانە كىشى مەديتسينا قىزمەتكەرلەرىنىڭ ارقاسىندا ناۋقاستانعان كوپشىلىك ازامات ساۋىعىپ شىقتى. ىندەت كەزىندە دارىگەرلىك مىندەتتەرىن ادال اتقارعان, حالىقتىڭ دەنساۋلىعى ءۇشىن قازىر دە كۇندىز-ءتۇنى ايانباي كۇرەسىپ جۇرگەن بارلىق مەديتسينا قىزمەتكەرىنە العىس ايتامىز», دەدى وڭداسىن ورازالين.
قازىرگى كەزدە وڭىردەگى بارلىق مەديتسينالىق مەكەمەنىڭ قاراماعىندا 341 بىرلىك جەدەل جاردەم كولىگى تىركەلگەن. الايدا 900 مىڭعا جۋىق تۇرعىنى بار شالعاي ەلدى مەكەندەرى كوپ وبلىسقا 341 اۆتوكولىك ازدىق ەتەدى.
سوعان بايلانىستى جەدەل جاردەم كولىكتەرى قورىن جاڭارتۋ جانە سانىن كوبەيتۋ جۇمىستارى كەيىنگى جىلدارى جاندانا ءتۇستى. ماسەلەن, تەك 2020 جىلدىڭ وزىندە جەرگىلىكتى بيۋدجەتتەن 239,4 ميلليون تەڭگەگە «ۋاز» ماركالى 24 سانيتارلىق اۆتوكولىك پەن «FORD» ماركالى ءبىر نەوناتالدى رەانيموبيل ساتىپ الىندى. بۇدان وزگە ليزينگ ارقىلى «Hyundai H-350» ماركالى 19 رەانيموبيل جانە «JAC Ѕunray» ماركالى 20 رەانيموبيل الىندى.
وبلىس اكىمى ءوڭىردىڭ 12 اۋدانى جاڭا 15 رەانيموبيلمەن تولىققانىنا قاراماستان, 2021 جىلى دا مەديتسينا مەكەمەلەرىن جەدەل جاردەم كولىكتەرىمەن جابدىقتاۋ جۇمىسى جالعاساتىنىن حابارلادى. 2021 جىلى اۋداندىق اۋرۋحانالار ءۇشىن وبلىستىق بيۋدجەت ەسەبىنەن تاعى دا 21 جەدەل جاردەم كولىگى ساتىپ الىناتىن بولدى.
