وتىرىستىڭ اشىلۋىندا ءسوز العان ۇلتتىق مۋزەي ديرەكتورى ارىستانبەك مۇحامەدي ۇلى قازاقستان رەسپۋبليكاسىنىڭ شۆەتسيا كورولدىگىندەگى ەلشىلىگىنە جانە بارلىق قاتىسۋشىلارعا اتالعان شاراعا اتسالىسقاندارى ءۇشىن شەكسىز ريزاشىلىعىن ءبىلدىردى.
«ۇلتتىق مۋزەيدىڭ باستى ميسسياسى – ەلىمىزدىڭ تاريحي-مادەني مۇراسىن زەرتتەۋ, ساقتاۋ جانە قالپىنا كەلتىرۋ ارقىلى قازاقستاننىڭ ۇلتتىق قۇندىلىقتارىن ساقتاۋ جانە ناسيحاتتاۋ. ءبىز شۆەد ارحەولوگ-عالىمدارىنىڭ نازارىنا ۇلتتىق مۋزەيدىڭ عىلىمي قىزمەتىندەگى دالالىق ارحەولوگيالىق زەرتتەۋلەرىنە قاتىستى بىرەگەي اقپاراتتى ۇسىنۋعا اسىقپىز», دەدى ا.مۇحامەدي ۇلى.
ج.تايماعامبەتوۆتىڭ ۇسىنىلعان بايانداماسى ەكى بولىمنەن تۇرادى. ءبىرىنشى بولىمىندە اۆتور قازاقستان اۋماعىنداعى انتروپوگەنەزدىڭ جانە ەجەلگى ەسكەرتكىشتەردىڭ ماسەلەلەرىنە توقتالسا, ەكىنشى بولىمىندە يلليۋستراتسيالىق ماتەريالداردى كورسەتە وتىرىپ, رەسەي, گەرمانيا جانە جاپونيا ارحەولوگتارىمەن بىرلەسىپ جاسالعان جۇمىستارى جايىندا تىڭ اقپاراتتارىمەن ءبولىستى.
ايتا كەتەيىك, اتالعان ونلاين-دارىسكە شۆەتسيا جانە قازاقستان ارحەولوگ-عالىمدارىمەن قاتار رەسەي, گەرمانيا, جاپونيا مەملەكەتتەرىنىڭ ماماندارى دا قاتىستى.
