وقيعا • 12 جەلتوقسان، 2020

ورالدا تۇرعىن ۇيدەگى ورتتەن ەكى ادام كوز جۇمدى

15 رەت كورسەتىلدى

باتىس قازاقستان وبلىسى دەنساۋلىق ساقتاۋ باسقارماسىنىڭ ءباسپاسوز قىزمەتى وقيعا ي.كۋليچەۆ كوشەسىندەگى تۇرعىن ۇيدە بولعانىن مالىمدەيدى، دەپ حابارلايدى Egemen.kz قازاقپاراتقا سىلتەمە جاساپ.

جەدەل جاردەم 11 جەلتوقسان كۇنى ساعات 23.20-دا شاقىرىلىپ، ءۇش بريگادا جۇمىس ىستەدى. ءورت سالدارىنان 8 جاسار ەر بالا مەن 67 جاستاعى ەر ادام جەدەل جاردەم كەلگەنگە دەيىن كوز جۇمدى. جەڭىل دارەجەدە گازدان ۋلانعان 4 جاسار قىز بالا وبلىستىق بالالار اۋرۋحاناسىنا جاتقىزىلدى.

جەڭىل دارەجەدە گازدان ۋلانىپ، جاراقات العان 43 جاستاعى ەر ادام قالالىق كوپبەيىندى اۋرۋحاناعا جەتكىزىلدى.

بقو تج دەپارتامەنتى مەملەكەتتىك ءورت باقىلاۋ باسقارماسىنىڭ اعا ينجەنەرى ساعدات انەستىڭ ناقتىلاۋىنشا، ي.كۋليچەۆ كوشەسى 13-مەكەنجايىندا ءورت بولىپ جاتقانى جونىندە ساعات 23:17-دە حابار تۇسكەن.

اۋماعى 80 شارشى مەتردى قامتىعان ءورت كەزىندە تۇرعىن ءۇيدىڭ توبە جابىندىسى، جەكە زاتتار مەن جيھاز جانىپ كەتتى. ءورت ءسوندىرۋ قىزمەتى كەلگەنشە، سول ماڭنان ءوتىپ بارا جاتقان ازامات گازدان اۋىر جانە جەڭىل دارەجەدە ۋلانعان ەكى ادامدى (بىرەۋى – بالا) قۇتقاردى.

ولار اۋرۋحاناعا جاتقىزىلدى. ءورت ورنىنان ەكى ادامنىڭ مۇردەسى تابىلدى. وقيعا ورنىنان 27 ليترلىك گاز باللونى شىعارىلدى. ءورتتى اۋىزدىقتاۋعا جەكە قۇرامنان 14 ادام، 5 تەحنيكا جۇمىلدىرىلدى. قازىرگى كەزدە ءورتتىڭ شىعۋ سەبەبى انىقتالىپ جاتىر.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار