«وقۋشىلاردىڭ ءبىلىمدى بولىپ قالىپتاسۋى مەن ولاردىڭ جەتىستىكتەرى مۇعالىمدەر مەن اتا-انالاردىڭ ەڭبەگى ارقىلى كەلەدى. بۇل ەڭبەك باعالانۋى كەرەك. بۇگىن دارىندى وقۋشىلارعا ءتۇرلى وليمپيادالاردا, سونىڭ ىشىندە حالىقارالىق ءبىلىم باسەكەلەرىندە جۇلدەلى ورىنعا يە بولعانى ءۇشىن 100 مىڭ تەڭگە كولەمىندە سەرتيفيكاتتار, ال مۇعالىمدەرگە سىياقى مەن نوۋتبۋكتەر تابىس ەتىلدى.
ءار وقۋشىنىڭ سۇيىكتى ءپانى بولادى. بىرەۋى ماتەماتيكا مەن فيزيكانى ۇناتسا, ەندى ءبىرى بيولوگيانى وقيدى. ادەبيەت, گەوگرافيا, حيميا سياقتى پاندەردى جانىنا جاقىن كورەتىندەر دە تابىلادى.
جوعارى سىنىپ وقۋشىلارى بولاشاق ماماندىعىن تاڭداپ تا ۇلگەرگەن. وقۋشىلاردىڭ بارىنە وقۋدا تابىس, زور دەنساۋلىق جانە باقىت تىلەيمىن!
مەملەكەت تاراپىنان جاعداي جاسالىپ كەلەدى. مەكتەپتەر سالىنىپ, بالالار ورتالىقتارى مەن ۇيىرمەلەر اشىلىپ, مۇعالىمدەردىڭ ەڭبەكاقىسى كەزەڭ-كەزەڭىمەن كوبەيتىلىپ كەلەدى. پەداگوگ مارتەبەسى تۋرالى زاڭ قابىلداندى. بيىلعى جىلدىڭ ناۋرىز ايىنان باستاپ وقۋشىلار ءۇشىن قوعامدىق كولىكتە جول ءجۇرۋ تەگىن. بالالار قولداۋسىز, قورعاۋسىز قالمايدى», دەپ جازدى التاي كولگىنوۆ.
