پاندەميا سالدارىنان بالالاردىڭ ينجەنەرلىك بىلىمدەرى مەن تەحنولوگيالىق جوبالىق شىعارماشىلىقتارىن دامىتۋعا باعىتتالعان روبوتوتەحنيكادان ءداستۇرلى وليمپيادالاردى وتكىزۋ مۇمكىندىگى جوق كەزەڭدە العاشقى گولدبەرگ چەمپيوناتىن وتكىزۋ تۋرالى شەشىم قابىلداندى.
STEM-بىلىمدەرىن پراكتيكالىق تۇرعىدا جۇزەگە اسىرۋعا ارنالعان جەلىلىك بايقاۋدا بالالارمەن بىرگە العاش رەت اتا-انالار دا قاتىستى.
وتباسىلىق كوماندالارعا بەرىلگەن تاپسىرمالار دا بۇگىنگىدەي پاندەميا ۋاقىتىندا وزەكتى ءارى قيسىندى دەۋگە تۇرارلىق – «قولدى زارارسىزداندىرۋ – دەنساۋلىق كەپىلى». بۇل قورىتىندى ارەكەتى مولشەرلەگىش ميكروبجويعىنى باساتىن ماشينانى جوبالاۋ بولىپ تابىلادى.
جاس ونەرتاپقىشتار مەن ولاردىڭ اتا-انالارىنا قويىلعان باستى تالاپ – ماشينانى قولدانۋداعى جوعارى قاۋىپسىزدىك. ءاربىر وتباسى ونلاين فورماتتا شىنايى قۇرىلعان مەحانيزمدى ۇسىندى, قاشىقتان باعا بەرۋشى ءادىل قازىلار القاسى بەينەماتەريالدارمەن تانىسىپ, گولدبەرگ ماشيناسىنىڭ الگوريتمىن عانا باعالاپ قويعان جوق, سونىمەن قاتار توپتاعى بىرلەسىپ جۇمىس جاساۋ احۋالىن, ينجەنەرلىك شەشىمدەردىڭ ادەتتەگىدەن تىس نۇسقالارىن, شىعارماشىلىق سەرپىندەرىن دە نازارعا الدى.
ءبىرىنشى گولدبەرگ بايقاۋىنىڭ جەڭىمپازدارى بولىپ كوكشەتاۋ قالاسىنداعى نازارباەۆ زياتكەرلىك مەكتەبىنەن اليدار ەسكەنديروۆتىڭ وتباسى تانىلدى. ەكىنشى ورىندا – اقتوبەدەگى NIS-تەن كەرەي بەردىشەۆتىڭ وتباسى. سونداي-اق, ۇزدىك ۇشتىكتىڭ قاتارىنان ەلورداداعى فيزيكا-ماتەماتيكا باعىتىنداعى مەكتەپتەن الي جانعاليدىڭ وتباسى كورىندى.
«ەڭ بىرەگەي شەشىم» ارنايى اتالىمىندا ورال قالاسىنداعى زياتكەرلىك مەكتەپتەن اليحان يدەنوۆ پەن ونىڭ كومانداسى ماراپاتتالدى. «ۇزدىك پرەزەنتاتسيا» نوميناتسياسىندا تاراز قالاسىنداعى NIS-تەن نۇربولات رىسكەلدينوۆتىڭ وتباسىلىق شىعارماشىلىعى تاڭدالدى.
گولدبەرگ ماشيناسى جاناما جانە تىم كۇردەلى تاسىلمەن قالىپتى تاپسىرمانى ورىنداۋ ءۇشىن قاراپايىم ماتەريالداردان قۇرالعان كۇردەلى كونسترۋكتسيا رەتىندە تانىلعان. گولدبەرگ چەمپيوناتتارى مەن ليگالارى بۇكىل الەمگە ايگىلى.
