قوسىمشا بولىنگەن 200 ميلليارد تەڭگەنى ەسكەرە وتىرىپ, جاڭا ليميتتەر بەلگىلەندى. اتاپ ايتقاندا, قارجىلىق رەتتەۋشى بانكتەر ءۇشىن وسىنداي ليميتتەر بەلگىلەدى: «قازاقستان حالىق بانكى» اق - 229,3 ملرد تەڭگە, «Jysan Bank» اق - 13,5 ملرد تەڭگە, «جيناق بانكى» اق ەب - 131,3 ملرد تەڭگە, بانك تسەنتركرەديت اق - 93 ملرد تەڭگە,«Bank RBK» اق - 67,4 ملرد تەڭگە, «نۇربانك» اق - 15 ملرد تەڭگە, «ەۋرازيالىق بانك»اق - 35,8 ملرد تەڭگە, «الفا-بانك ەب» اق - 39,8 ملرد تەڭگە, «التىن بانك» اق - 11,7 ملرد تەڭگە, «اتف بانك» اق - 60,1 ملرد تەڭگە, «ForteBank» اق - 61 ملرد تەڭگە, بانك ۆتب اق ەنشىلەس ۇيىمى (قازاقستان) - 12,1 ملرد.
بارلىعى 770 ميلليارد تەڭگە ءبولىندى.
ۇلتتىق بانك اگروونەركاسىپتىك كەشەندە جۇمىس ىستەيتىن ءىرى كاسىپورىندار مەن كاسىپكەرلەردى قامتۋ اياسى كەڭەيتىلگەنىن اتاپ ءوتتى. باعدارلامانىڭ مەرزىمى 2021 جىلدىڭ 31 جەلتوقسانىن قوسا العاندا ۇزارتىلدى, قاراجاتتى بەرۋ مەرزىمى 2021 جىلدىڭ 31 ناۋرىزىنا دەيىنگى مەرزىمدى قامتيدى.
ءىرى كاسىپورىندارعا نەسيە بەرۋ ءۇشىن توتەنشە جاعداي رەجيمىن ەنگىزۋ اسەر ەتكەن وندىرىستىك جانە قىزمەت كورسەتۋ سالالارىنداعى قىزمەتتەردىڭ تىزبەسى انىقتالدى, ول ۇلتتىق بانك توراعاسى مەن ۇلتتىق ەكونوميكا ءمينيسترىنىڭ 2020 جىلعى 18 قاراشاداعى بىرلەسكەن بۇيرىعىمەن بەكىتىلگەن. ەستەرىڭىزگە سالا كەتەيىك, قازاقستان پرەزيدەنتى قاسىم-جومارت توقاەۆ 1 قىركۇيەكتە حالىققا ۇندەۋ جولدادى. مەملەكەت باسشىسى ۇلتتىق بانك ەڭ كوپ زارداپ شەككەن سەكتورلارداعى شوب ءۇشىن اينالىم قاراجاتىن تولتىرۋ باعدارلاماسىن جۇزەگە اسىرىپ جاتقانىن اتاپ ءوتتى. باعدارلاما بيىل اياقتالۋى كەرەك بولاتىن. الايدا پرەزيدەنت ونىڭ قولدانىلۋ مەرزىمىن 2021 جىلدىڭ سوڭىنا دەيىن ۇزارتۋعا, سونداي-اق ونىڭ قامتۋ اياسىن كەڭەيتۋگە بۇيرىق بەردى. بۇل ماقساتتارعا قوسىمشا 200 ميلليارد تەڭگە قاراستىرىلعان.
