– بوتانيكالىق باق وقۋشىلاردىڭ تابيعاتقا قىزىعۋشىلىعىن ارتتىرۋعا ىقپال ەتەدى. مۇندا 6-9-سىنىپتاردىڭ وقۋشىلارى توتىقۇس پەن تاسباقانى, بالىقتاردى قورەكتەندىرەدى. سۋىن اۋىستىرىپ, وسىمدىكتەردى باپتايدى. وقۋشىلار باقتا عىلىمي جوبالاردى قورعاۋعا دا دايىندالادى. ءبىزدىڭ ماقساتىمىز – بالالاردى جاستايىنان قورشاعان ورتانى قورعاۋعا باۋلۋ, – دەيدى مۇقىر ورتا مەكتەبىنىڭ ديرەكتورى ۆەنەرا مىرزاعاليەۆا.
مەكتەپتەگى «جاس ناتۋراليستەر» ۇيىرمەسىنىڭ جەتەكشىسى, بيولوگ مەيرامگۇل مەدينينانىڭ ايتۋىنشا, وقۋشىلار زەرتتەۋ جوبالارىن قوسا جۇرگىزىپ, جۇلدەلى ورىنداردى يەلەنە باستاپتى.
– ۇيىرمەدە 11-14 جاس ارالىعىنداعى وقۋشىلار ءتورت توپقا ءبولىندى. ءار توپتا 10 بالادان بار. ماسەلەن, وقۋشىلارىمىز نۇراي سيسەنباي مەن سالتانات جۇماباي رەسپۋبليكالىق «تابيعاتتى ايالا» بايقاۋىنىڭ وبلىستىق كەزەڭىنە قاتىسىپ, «جاسىل وازيستەر» اتالىمىندا ءبىرىنشى ورىندى جەڭىپ الدى. ولار سايىستىڭ رەسپۋبليكالىق كەزەڭىندە ءۇشىنشى ورىندى يەلەندى. قازىر تاعى ءبىر وقۋشى – ەلەنا بەركىنعالي «قىزىل قۇلاقتى تاسباقالاردىڭ تىرشىلىگى» تاقىرىبىندا عىلىمي زەرتتەۋ جۇمىسىن دايىنداپ جاتىر, – دەيدى م.مەدينينا.
اتىراۋ وبلىسى
