بانۋ نۇرعازيەۆانىڭ ايتۋىنشا, الەمنىڭ 90-عا جۋىق ەلىنەن كەلگەن ۇلتتىق سايلاۋ بايقاۋشىلارىنىڭ جاھاندىق جەلىسىنە 245 مۇشە ۇيىم قول قويعان. ول قوعامدىق ۇيىمدار پارتيالىق ەمەس باقىلاۋدىڭ جانە سايلاۋدى باقىلاۋدىڭ جاھاندىق قاعيدالارى دەكلاراتسياسىنا ادال ەكەنىن ەسكە سالدى.
«قازاقستاننىڭ ازاماتتىق اليانسى ۇكىمەتتىك ەمەس ۇيىمداردىڭ ءىرى بىرلەستىگى رەتىندە, ءارتۇرلى ۇەۇ-نىڭ كۇش-جىگەرىن شوعىرلاندىرۋعا شەشىم قابىلدادى جانە بارلىق پارتيالىق ەمەس بايقاۋشىلارمەن ىنتىماقتاستىققا دايىن بولاتىن بىرەگەي ورتالىق قۇردى. ورتالىق, سايلاۋ ۋچاسكەلەرىن بارىنشا قامتۋ ءۇشىن الەمدىك ستاندارتتارعا ساي بايقاۋشىلاردى دايارلايدى», دەيدى بانۋ نۇرعازيەۆا.
ودان بولەك قازاقستان رەسپۋبليكاسى كاسىپوداقتار فەدەراتسياسى توراعاسىنىڭ ورىنباسارى نۇرلان وتەشەۆ قازاقستان كاسىپوداقتارى فەدەراتسياسى بايقاۋشىلارى رەسپۋبليكالىق شتابىنىڭ جۇمىسى تۋرالى ايتتى.
ء«بىز بۇعان دەيىن كاسىپوداقتار فەدەراتسياسى بايقاۋشىلارىنىڭ رەسپۋبليكالىق شتابىنىڭ ەكىنشى وتىرىسىن وتكىزدىك, بايقاۋشىلار سانىن ايماقتار بويىنشا ناقتىلاۋ, ترەنينگتەر وتكىزۋ, ولارعا ماتەريالدار ازىرلەۋ سياقتى ماسەلەلەردى تالقىلادىق.
جيىندا بەلگىلى بولعانداي, ككف رەسپۋبليكالىق شتابىنىڭ ءبىرىنشى وتىرىسىنان باستاپ شامامەن 6 مىڭ بايقاۋشىنىڭ 2,5 مىڭعا جۋىعى وقىتۋدان وتكەن. سونىمەن بىرگە سايلاۋدى پارتيالىق ەمەس بايقاۋ ورتالىعىنىڭ الاڭىندا كۇش بىرىكتىرۋ تيىمدىلىگى ءسوز بولدى.
بەلگىلى قوعام قايراتكەرى ايگۇل سولوۆەۆا ونى قولداعان تاۋەلسىز بايقاۋشىلار حارتياسىنىڭ جوباسى تۋرالى جانە جوسپارلار تۋرالى ايتتى.
«حارتيا ەقىۇ قاعيداتتارىنا جانە دەموكراتيالىق سايلاۋ ستاندارتتارى تۋرالى كونۆەنتسياعا نەگىزدەلگەن. جارعىعا كەز كەلگەن قوعامدىق بىرلەستىكتەر مەن ازاماتتىق بەلسەندىلەر قوسىلا الادى», دەدى ول.
جيىنعا شاقىرىلعان «شىعىس-باتىس» حالىقارالىق گەوساياسي بولجاۋ ورتالىعىنىڭ پرەزيدەنتى, ساياساتتانۋ عىلىمدارى دوكتورى, پروفەسسور قارلىعاش نۇعمانوۆا, ديپلوماتيا ينستيتۋتىنىڭ پروفەسسورى, تاريح عىلىمدارىنىڭ كانديداتى تايسيا مارمونتوۆا بۇل باستامالاردى تالداپ, باعالادى.
پرەزيدەنت جانىنداعى ۇلتتىق قوعامدىق سەنىم كەڭەسىنىڭ مۇشەسى, «التەرناتيۆا» زاماناۋي زەرتتەۋلەر ورتالىعى» ۇەۇ ديرەكتورى اندرەي چەبوتارەۆ تە تاۋەلسىز بايقاۋشىلارعا قاتىستى پىكىرىمەن ءبولىستى.
«مەن وسىنداي ورتالىقتىڭ قۇرىلۋىن جانە وسىنداي باستامانى قۇپتايمىن. سايلاۋدى پارتيالىق ەمەس باقىلاۋ جونىندەگى حالىقارالىق قۇجاتتاردى, بۇۇ-نىڭ قولداۋىمەن قابىلدانعان سايلاۋدى بەيپارتيالىق بايقاۋشىلاردىڭ قاعيداتتارى مەن ەتيكالىق كودەكسىن وقىدىم. سوندىقتان ءسىزدىڭ ورتالىعىڭىز تاۋەلسىز باقىلاۋ فورماتتارىنىڭ ءبىرى بولىپ قانا قويماي, حالىقارالىق باستامانى قولعا العانىڭىز قۋانتادى», دەدى ساراپشى.
ءباسپاسوز كونفەرەنتسياسىنا Zoom پلاتفورماسى ارقىلى ورتالىقتىڭ ايماقتىق بايقاۋشىلارى, ءتۇرلى ۇەۇ وكىلدەرى جانە باق وكىلدەرى قاتىستى.
