دوستىق-الاشانكوۋ شەكارا وتكەلى ارقىلى جۇك پويىزدارىنىڭ ءوتۋى كۇرت تومەندەدى. جىلجىمالى قۇرامنىڭ جينالۋىنا قىتاي ەنگىزگەن قاتاڭ سانيتارلىق باقىلاۋ اسەر ەتتى. بۇل تۋرالى «اتامەكەن» قر اەس ۇيىمداستىرعان «قحر-عا وتاندىق اۋىلشارۋاشىلىق ونىمدەرىن تاسىمالداۋدىڭ قازىرگى جاعدايى مەن پەرسپەكتيۆالارى» تاقىرىبىندا ZOOM كونفەرەنتسياسى بارىسىندا ايتىلدى.
جۇك جونەلتۋشىلەر مۇنداي قيىن جاعدايدا مەملەكەت شەت قالماۋى كەرەك, «قتج» ۇك »اق,« اتامەكەن »جانە مۇددەلى مينيسترلىكتەر كۇش-جىگەرىن بىرىكتىرۋى كەرەك دەپ اتاپ ءوتتى.
ءوز كەزەگىندە «قتج-جۇك تاسىمالى» جشس باس ديرەكتورىنىڭ ءبىرىنشى ورىنباسارى قانات كوبەسوۆ ۇلتتىق جۇك تاسىمالداۋشى «دوستىق-الاشانكوۋ» شەكارا بەكەتىندە ءۇزىلىسسىز تاسىمالداۋدى جانە تاسىمالداۋ جوسپارىن تولىق كولەمدە جۇزەگە اسىرۋدى قامتاماسىز ەتۋ ءۇشىن وتكىزۋ قابىلەتىن جاقسارتۋ جانە بارلىق كەدەرگىلەردى جويۋ بويىنشا شارالار قابىلداپ جاتقانىن اتاپ ءوتتى.
ء«بىز ونلاين-ديالوگقا دايىنبىز. قىتاي اكىمشىلىگىنىڭ وكىلدەرىمەن شەكاراداعى تەمىرجول وتكەلدەرى اراسىندا تاسىمالداۋدى ۇيىمداستىرۋ ءار سەيسەنبىدە تالقىلاناتىن بولادى. ءبىزدىڭ قىتايلىق ارىپتەستەرىمىزبەن ءتيىمدى بايلانىس ورناتۋعا تەحنيكالىق مۇمكىندىكتەرىمىز بار, مۇددەلى مەملەكەتتىك ورگانداردى كەلىسسوزدەر ۇدەرىسىنە قوسىلۋعا شاقىرامىز», - دەدى قانات كوبەسوۆ.
حابارلانعانداي, قازاقستاندىق تەمىرجولشىلار قىتايدان پويىزداردى كىدىرتۋسىز, ۋاقىتىلى الادى.
سونىمەن قاتار تيەۋگە تىيىم سالىنعاندىقتان, «قتج-جۇك تاسىمالى» جشس جۇك جونەلتۋ جوسپارىن ورىنداماعانى ءۇشىن جۇك جونەلتۋشىلەرگە سالىنعان ايىپپۇلداردىڭ كۇشىن جويدى.
قانات كوبەسوۆ جۇيەلى ماسەلەلەردى انىقتاۋ جانە ولاردى شەشۋ جولدارىن تابۋ ءۇشىن مۇددەلى مەملەكەتتىك ورگانداردىڭ, وتاندىق ەكسپورتتاۋشىلاردىڭ جانە باسقا دا تارتىلعان قۇرىلىمداردىڭ قاتىسۋىمەن جەدەل توپ قۇرۋدى ۇسىندى.
قازاقستان استىق وڭدەۋشىلەر وداعىنىڭ پرەزيدەنتى ەۆگەني گان جۇيەلىك ماسەلەلەردى تەك بىرلەسكەن كۇش-جىگەرمەن شەشۋگە بولاتىنىن ايتتى.
ونلاين-كونفەرەنتسيا بارىسىندا ەكسپورتتاۋشىلار «استىق ترانس» اق ۆاگونداردىڭ ارتىق بوس تۇرعان ۋاقىتى ءۇشىن نەگىزسىز ايىپپۇل سالۋعا شاعىمداندى. ولاردىڭ ويىنشا فورس-ماجورلىق جاعدايلاردى ەسكەرۋ قاجەت.
ونلاين-كونفەرەنتسيانى قورىتىندىلاي كەلە, مودەراتور, «اتامەكەن» قر اەس باسقارۋشى ديرەكتورى ەربول ەسەنەەۆ تەمىرجول, مامانداندىرىلعان بىرلەستىكتەر وكىلدەرىنىڭ قاتىسۋىمەن وسىنداي كەزدەسۋلەر وتكىزۋ كۇتىلەتىن جاعدايلارعا اكەلەتىندىگىن اتاپ ءوتتى.
