سولتۇستىك قازاقستان وبلىسى مۇسىرەپوۆ اۋدانىنداعى كوشى-قون قىزمەتكەرلەرى قوستاناي وبلىسىنداعى ارىپتەستەرىمەن ءوزارا قارىم-قاتىناس جۇرگىزۋ ناتيجەسىندە كامەلەتكە تولماعان ەكى قىزىن باعىپ-قاعۋدان باس تارتىپ, اكەcىنە تاستاپ كەتكەنى ءۇشىن سوت شەشىمىمەن اليمەنت تولەۋگە ءتيىستى 43 جاستاعى ايەلدى ىزدەپ تاپتى.
ايەلدىڭ 2015 جىلدان بەرگى قارىزى 600 مىڭ تەڭگەدەن اسىپ كەتكەن.
«9-11 جەلتوقسان ارالىعىندا ءبىز اليمەنت تولەۋگە ماجبۇرلەۋ شارالارى قولدانىلعان ادامداردى ىزدەۋ جۇمىستارىن ىزدەۋدى كۇشەيتتىك. تابىلعان ادامدار تۋرالى بارلىق اقپاراتتى ءبىز سوت ورىنداۋشىلارىنا قارىزدى ءوندىرىپ الۋ ءۇشىن جىبەرەمىز», - دەيدى سولتۇستىك قازاقستان وبلىسى پد كوشى-قون قىزمەتى باسقارماسىنىڭ باستىعى تالعات ءابىلوۆ.
ال قازاقستانداعى بانك الدىنداعى قارجىلىق مىندەتتەمەلەرى بار 40 جاستاعى ەر ادامنىڭ تۇرعان جەرى رەسەي فەدەراتسياسىنىڭ ومبى قالاسىندا انىقتالعان. اكتسيانىڭ ءبىرىنشى كۇنى 3 اليمەنت تولەمەگەننىڭ جانە 4 بورىشكەردىڭ تۇرعىلىقتى مەكەنجايى انىقتالدى.
