- بۇگىن تجم ءمينيسترى يۋري يلينمەن ءورت قاۋىپسىزدىگى شارالارىنىڭ, پەش جابدىقتارى مەن گاز باللوندارىن پايدالانۋ قاعيدالارىنىڭ ساقتالۋىن باقىلاۋدى كۇشەيتۋ تالقىلاندى. سونداي-اق ەلوردالىق تجد ماتەريالدىق-تەحنيكالىق جابدىقتاۋ ماسەلەلەرى تالقىلاندى. قالادا ءورت قاۋىپسىزدىگى ايلىعى اياسىندا 16 مىڭنان استام ءۇي تەكسەرىلدى, ونىڭ ىشىندە جەكە تۇرعىن ءۇي سەكتورىندا 5 مىڭعا جۋىق زاڭبۇزۋشىلىق انىقتالىپ, باقىلاۋعا الىندى, - دەپ جازدى ا.كولگىنوۆ.
ونىڭ ايتۋىنشا, گاز باللوندارىن پايدالانىلاتىن وبەكتىلەردى جوسپاردان تىس تەكسەرۋ ءۇشىن ۆەدومستۆوارالىق كوميسسيا قۇرىلعان.
- توپ مۇشەلەرى گاز باللوندارىن قاۋىپسىز ءارى دۇرىس پايدالانۋ بويىنشا نۇسقاما وتكىزەدى. 2,5 اپتا ىشىندە ماماندار 100 نىساندى تەكسەردى. بۇل گاز باللوندارىن پايدالانۋدى بۇزعان جاعدايدا حالىقتىڭ ءومىرى مەن دەنساۋلىعىنا ىقتيمال قاۋىپ توندىرەتىن وبەكتىلەر. اتالعان جۇمىس توبىنا تجد, پد, تۇرعىن ءۇي ينسپەكتسياسىنىڭ, اۋداندىق اكىمدىكتەردىڭ, ونەركاسىپتىك قاۋىپسىزدىك دەپارتامەنتىنىڭ جانە ت. ب. وكىلدەرى كىرەدى.
تۇرعىندار دا, كاسىپكەرلەر دە بارلىق قاۋىپسىزدىك ەرەجەلەرىن ساقتاۋى كەرەك. ادامداردىڭ ءومىرى مەن دەنساۋلىعىنا ەشتەڭە قاۋىپ توندىرمەۋى كەرەك, - دەلىنگەن جازبادا.
