وتىرىسقا قاتىسۋشىلار وڭىرلىك جانە حالىقارالىق كۇن تارتىبىندەگى بىرقاتار وزەكتى ماسەلەلەر بويىنشا پىكىر الماستى. نەگىزگى نازار ساۋدا-ەكونوميكالىق ءوزارا ءىس-قيمىلدى جانە ترانزيت-كولىكتىك سالاسىنداعى ىنتىماقتاستىقتى تەرەڭدەتۋگە اۋدارىلدى.
تاراپتار وڭىرىشىلىك ساۋدانى كەڭەيتۋدىڭ, وڭىرلىك جەتكىزىلىمدەر تىزبەگىنىڭ تۇراقتى جانە ۇزدىكسىز جۇمىسىن قامتاماسىز ەتۋدىڭ, سونداي-اق ەلدەر ەكونوميكالارىن قالپىنا كەلتىرۋ جونىندەگى بىرلەسكەن شارالاردىڭ ماڭىزدىلىعىن اتاپ ءوتتى. قولدانىستاعى كولىك دالىزدەرىن پايدالانا وتىرىپ, ترانزيتتىك-لوگيستيكالىق الەۋەتتى نىعايتۋعا مۇددەلىلىك ايتىلدى.
سىرتقى ساياسي ۆەدومستۆولار باسشىلارىنىڭ ورىنباسارلارى كوروناۆيرۋس ينفەكتسياسىنىڭ تارالۋىنا قارسى كۇرەستەگى ءوزارا ءىس-قيمىلدى جوعارى باعالادى جانە COVID-19 الدىن الۋ جانە ەمدەۋ بويىنشا بىرلەسكەن شارالاردى كۇشەيتۋگە مۇددەلىلىك ءبىلدىردى.
اۋعانستانداعى بەيبىت پروتسەستى ىلگەرىلەتۋ جانە جاعدايدى ساياسي رەتتەۋ, سونداي-اق ونىمەن ساۋدا-ەكونوميكالىق, كولىك جانە ينفراقۇرىلىمدىق بايلانىستاردى نىعايتۋ ماسەلەلەرىندە ءوزارا ءتيىمدى ىنتىماقتاستىققا ازىرلىك ءبىلدىرىلدى.
كەزدەسۋگە قاتىسۋشىلار سونداي-اق حالىقارالىق تەرروريزم مەن ەكسترەميزمگە, ەسىرتكىنىڭ زاڭسىز اينالىمىنا, ادام ساۋداسىنا, ترانسۇلتتىق ۇيىمداسقان قىلمىسقا, وڭىرلىك قاۋىپسىزدىككە, ونىڭ ىشىندە حالىقارالىق ۇيىمدار شەڭبەرىندەگى باسقا دا سىن-تەگەۋرىندەر مەن قاتەرلەرگە قارسى كۇرەستەگى ىنتىماقتاستىق ماسەلەلەرىن قاراستىردى.
