وڭىرلىك كوممۋنيكاتسيالار قىزمەتى الاڭىندا وتكەن ونلاين-بريفينگ بارىسىندا الماتى قالاسى قالالىق جوسپارلاۋ جانە ۋربانيستيكا باسقارماسىنىڭ باسشىسى الماسحان احمەدجانوۆ اتاپ وتكەندەي, الماتى قالاسى باس جوسپارىنىڭ جوباسىن تىكەلەي بەكىتۋ 2021 جىلدىڭ ءى توقسانىنا جوسپارلانعان.
ەستەرىڭىزگە سالا كەتەيىك, بۇعان دەيىن "الماتى قالاسىنىڭ ەرەكشە مارتەبەسى تۋرالى" زاڭدا قابىلدانعان وزگەرىستەر مەن تولىقتىرۋلارعا سايكەس, الماتى اكىمدىگىنىڭ ساۋلەت جانە قالا قۇرىلىسى سالاسىنداعى قىزمەتتى ۇيلەستىرۋگە مۇمكىندىك بەرەتىن قۇزىرەتتىلىگى كەڭەيدى. وسى زاڭنىڭ ەنگىزىلۋىمەن قالا مەن قالا ماڭى ايماعىن بىرلەسىپ تەڭگەرىمدى دامىتۋ مۇمكىندىگى پايدا بولدى.
"باس جوسپاردى تۇزەتۋدىڭ نەگىزگى ماقساتى قالانىڭ تۇراقتى دامۋىن قامتاماسىز ەتۋ, قاۋىپسىز, قولايلى, جايلى قالالىق ورتا قۇرۋ بولىپ تابىلادى, بۇل الماتىنى "شەتسىز قالا" ەتەدى", دەدى ول.
"الماتى قالاسىنىڭ ەرەكشە مارتەبەسى تۋرالى" زاڭعا, سونىمەن بىرگە, ديزاين-كودتى ەنگىزۋ بويىنشا نورما ەنگىزىلدى, ول ءوز كەزەگىندە الماتى قالاسى اۋماعىنداعى عيماراتتاردىڭ قاسبەتتەرىنىڭ, جارناما كونسترۋكتسيالارىنىڭ ارحيتەكتۋرالىق شەشىمدەرىنە, جازعى الاڭدارعا, شاعىن ساۋلەت نىساندارىنا قويىلاتىن تالاپتاردى, سونداي-اق ولاردى ورنالاستىرۋدى جۇيەلەندىرىپ, رەتكە كەلتىرەدى.
"الماتىدا ديزاين-كودتى ەنگىزۋ — قازاقستان ءۇشىن پيلوتتىق جوبا. كوپ ەڭبەكتى تالاپ ەتەتىن بۇل جۇمىس مۇقيات زەرتتەۋدى, شىعارماشىلىق كوزقاراستى جانە ناقتى بەلگىلەنگەن ەرەجەلەردى تالاپ ەتەدى. بىرقاتار تارماقتار بويىنشا قوعامدىق تىڭداۋلار وتكىزىلدى. الايدا, پاندەميا تۇزەتۋلەر ەنگىزدى: قوعامدىق تىڭداۋلار ءبىراز ۋاقىتقا توقتاتىلدى", دەدى ا. احمەدجانوۆ.
سونىمەن قاتار, ول بيىلعى جىلى قالانىڭ كوپتەگەن جازعى الاڭدارى جالپى تالاپتاردى ەسكەرە وتىرىپ رەسىمدەلگەنىن اتاپ ءوتتى. جوندەۋگە نەمەسە رەكونسترۋكتسيالاۋعا دايىندىق كەزىندە كەيبىر ءىرى تاماقتانۋ ورىندارى عيمارات پەن وعان ىرگەلەس اۋماقتى جوبالاۋ بويىنشا ۇسىنىستار الۋ ءۇشىن باسقارماعا جۇگىنۋدە.
"بىرىڭعاي ەرەجەلەردى قۇرۋ بويىنشا جۇمىس جالعاسۋدا. ديزاين-كود جوباسى قالا تۇرعىندارىنا تالقىلاۋ ءۇشىن ۇسىنىلاتىن بولادى. قۇجاتتى ەنگىزۋ بويىنشا قوعامدىق تىڭداۋدى قايتا باستاۋ مەرزىمى قالا مەن ەلدەگى ەپيدەميالىق جاعدايعا بايلانىستى بولادى", دەپ اتاپ ءوتتى ا.احمەدجانوۆ.
