بەس دۇركىن الەم چەمپيونى, «BRNO OPEN 2013» حالىقارالىق ءتۋرنيرىنىڭ جەڭىمپازى, ون ءتورت جاسىندا ايەل گروسسمەيستەرى اتانعان جانسايا ابدىمالىكتىڭ شاحمات اكادەمياسى 2014 جىلى الماتى قالاسىندا اشىلعان بولاتىن. سول ۋاقىتتان باستاپ قازىرگە دەيىن وسى مەكتەپتە ءبىلىم العان 4 مىڭنان استام بالانىڭ اراسىندا ەلدىڭ اتىن شىعاراتىن جاس چەمپيوندار دا كورىنە باستادى. سولاردىڭ ەڭ باسىندا جانسايانىڭ جولىن جالعاستىرعان جاس ورەن – وسى اكادەميانىڭ تاربيەلەنۋشىسى, الەم جانە ازيا چەمپيونى اتانعان دىنمۇحاممەد تولەندينوۆ بار.
اقتوبە قالاسىندا بوي كوتەرەتىن بالالار شاحمات اكادەمياسىنىڭ قۇرىلىسىن «دامۋ» كاسىپكەرلىكتى قولداۋ قورى قارجىلاندىرادى. وبلىس اكىمى وڭداسىن ورازالين جاس بۋىندى ادامي قۇندىلىقتارعا تاربيەلەۋمەن قاتار, ولاردى سپورت پەن ونەر, بىلىمگە باۋلۋ ينتەللەكتۋالدى ۇلت قالىپتاستىرۋ جولىنداعى ناقتى قادام ەكەندىگىن العا تارتا وتىرىپ, مۇنى ىسكە اسىرۋ جولدارىنا توقتالدى. ءوڭىر باسشىسى زاماناۋي كاسىبي مەكتەپتەر جاقسى ۇيىمداستىرىلعان مەنەدجمەنت پەن بىلىكتى ماماندار قولىمەن ىسكە اسىرىلاتىنىن العا تارتا وتىرىپ, قالا اكىمى مەن ءبىلىم باسقارماسىنىڭ باسشىسىنا كاسىبي شاحماتشىلار دايارلايتىن مەكتەپتىڭ تەزىرەك اشىلۋىنا قولداۋ كورسەتۋدى تاپسىردى.
