«بىرلىك – ءبىزدىڭ قاسيەتتى تۋىمىز» دەپ ەلباسى ايتقانداي, بىرلىك پەن تاتۋلىق قوعامىمىزعا كۇش بەرىپ وتىر. سونىڭ ناتيجەسىندە كوروناۆيرۋس پاندەمياسىن بىرلەسە ەڭسەرىپ كەلەمىز. تەگىندە قيىندىققا رۋحاني كۇش-جىگەرمەن توتەپ بەرۋ – ىنتىماق پەن بىرلىكتىڭ ايقىن بەلگىسى. پرەزيدەنت قاسىم-جومارت توقاەۆ ءوز سوزىندە «...ەرىكتىلەردىڭ بويىنداعى قايرات, جىگەر ءار ازاماتتى ىنتالاندىرۋى ءتيىس. بۇل – ەڭ الدىمەن, وركەنيەتتى ەلدىڭ جانە جاۋاپكەرشىلىكتىڭ بەلگىسى» دەپ اتاپ كورسەتتى. ۆولونتەرلەرگە زور سەنىم ارتىپ, ءادايىم ابىرويلى, تابىستى بولۋىنا تىلەكشىمىن» دەدى وبلىس اكىمى ماحامبەت دوسمۇحامبەتوۆ.
ۆولونتەر جىلىنىڭ قورىتىندىسىمەن «جومارت جۇرەك» نوميناتسياسى بەس ۆولونتەرگە بەرىلدى. التىنگۇل شاكيموۆا كورپوراتيۆتىك ەرىكتىلىگى, ارمان حايرۋللين قورشاعان ورتانى ساقتاۋعا قوسقان ۇلەسى, گۇلناز قوسمۇرزيەۆا الەۋمەتتىك ماسەلەلەردى شەشۋگە اتسالىسقانى ءۇشىن ۇزدىك دەپ تانىلدى.
جەرگىلىكتى كاسىپكەر مارات ومىرزاقوۆقا «جىل مەتسەناتى» بەرىلسە, NCOC كومپانياسى «جىلدىڭ ۇزدىك ۇيىمى» اتاندى.
«بىلتىرعى ناۋرىزدا ەرىكتىلەر كورپۋسىنىڭ قۇرامىندا قايىرىمدىلىق ماقساتتا قارجى جيناۋعا قاتىستىم. ءبىر ايدا 7 ميلليون تەڭگە جينادىق. بىزگە ءىرى كومپانيالارمەن بىرگە, قاراپايىم تۇرعىندار دا كومەك بەردى. سونىڭ ناتيجەسىندە 2 مىڭعا جۋىق وتباسى ازىق-ت ۇلىك سەبەتىن الدى. پاندەميا كەزىندە ءدارى-دارمەكتەردى رەسەيدىڭ استراحان قالاسىنان الدىرىپ, مۇقتاج ادامدارعا تاراتتىق. بىزگە 90-عا جۋىق اۆتوۆولونتەر زور قولداۋ كورسەتتى» دەيدى گۇلناز قوسمۇرزيەۆا.
ءبىر توپ ۆولونتەرگە «حالىق العىسى» مەدالى تابىس ەتىلدى.
