ايەل تەگىن حابارلاندىرۋلار سايتى ارقىلى جيھاز ساتقان. ونىمەن قاسكوي بايلانىسقا شىعىپ, ساتىپ الۋعا دايىن ەكەنىن, ال شوتى رەسەي بانكىندە دەپ تولەم جاساۋ ءۇشىن جسن مەن كارتا ءنومىرىن اتاۋىن سۇراعان. الۋشى تابىلعانعا قۋانعان ايەل "جۇك تيەۋشىلەر" كەلەدى دەگەنگە مەكەنجايىن دا ايتقان.
تەلەفونمەن سويلەسۋ بارىسىندا جابىرلەنۋشى ساندار جازىلعان كودى بار sms-حابارلاما العان. ار جاقتاعى ايەل تۇبىرتەك تولتىرۋ ءۇشىن وسى سانداردى اتاۋىن سۇراعان. الاياقپەن سويلەسكەننەن كەيىن جابىرلەنۋشى بانككە قوڭىراۋ شالعان. سويتسە... بانكتەگى دەپوزيتىنەن ءۇش كەزەڭمەن 2 ميلليون 600 مىڭ تەڭگەدەن استام بارلىق جيعان قاراجاتى الىنعانى ايتىلعان. دەرەكتەرگە قول جەتكىزگەننەن كەيىن, قىلمىسكەر ينتەرنەت-بانكينگتىڭ بار مۇمكىندىكتەرىن پايدالانىپتى. SMS-حابارلاماداعى كودتار وعان جابىرلەنۋشىنىڭ شوتىنداعى وپەراتسيانى راستاۋىنا مۇمكىندىك بەرگەن. اتالعان فاكتى قىلمىستىق كودەكستىڭ "الاياقتىق" بابى بويىنشا سوتقا دەيىنگى تەرگەپ-تەكسەرۋلەردىڭ بىرىڭعاي تىزىلىمىنە ەنگىزىلدى. جەدەل-ىزدەستىرۋ ءىس-شارالارى جۇرگىزىلىپ جاتىر.
ال پەتروپاۆل قالاسىنىڭ 54 جاستاعى ايەل تۇرعىنى بانكتىڭ قاۋىپسىزدىك قىزمەتىنەن دەپ قوڭىراۋ سوققان سۇمداردىڭ ارباۋىنا ءتۇسىپ قالعان. الاياق ونىڭ شوتىنان بىرەۋلەر بارلىق اقشاسىن اۋدارىپ جاتىر دەپ ساستىرعان. قاراجاتتى ساقتاپ قالۋ ءۇشىن ونى باسقا شوتقا اۋىستىرۋ قاجەت دەپ سوققان. ايەل كارتاسىنىڭ ءنومىرى مەن sms-حابارلاما كودتى ايتقان, سودان كەيىن شىن مانىندە ونىڭ دەپوزيتىنەن 700 مىڭنان استام تەڭگەسى جوق بولىپ شىققان.
