كەلىسىمدەردە Covid-19 پاندەمياسىنىڭ سالدارىنا قارسى كۇرەس, الەۋمەتتىك قورعاۋ جانە جۇمىسپەن قامتۋدى قالپىنا كەلتىرۋ, سونداي-اق ەكونوميكانى ۇدەتۋ جونىندەگى شارالاردى قارجىلاندىرۋ ءۇشىن ەلىمىزدىڭ ازيا دامۋ بانكى مەن ازيا ينفراقۇرىلىمدىق ينۆەستيتسيالار بانكىنەن قارىزدار الۋى كوزدەلىپ وتىر.
سەناتورلار سونىمەن قاتار «1999 جىلعى 8 قازانداعى ەركىن ساۋدا ايماعىن قۇرۋ تۋرالى كەلىسىمگە قاتىسۋشى مەملەكەتتەردىڭ اراسىندا تاسىمالداناتىن تاۋارلاردى كەدەندىك رەسىمدەۋدىڭ جانە كەدەندىك باقىلاۋ ءتارتىبى تۋرالى كەلىسىمگە وزگەرىستەر ەنگىزۋ تۋرالى حاتتامانى راتيفيكاتسيالاۋ تۋرالى» زاڭ جوباسىن تالقىلادى.
قۇجات تمد-دا شىعارىلعان تاۋارلاردىڭ ەلىن انىقتاۋدا بىرىڭعاي ەرەجەلەردى بەلگىلەيدى.
زاڭ جوباسىن قابىلداۋ كەدەندىك رەسىمدەۋ مەن باقىلاۋ ءتارتىبىن وڭايلاتۋعا مۇمكىندىك بەرەدى, تاۋارلاردى وتكىزۋدى جەدەلدەتەدى جانە تمد ەلدەرىنىڭ كەدەن ورگاندارى اراسىندا وتكىزىلەتىن تاۋارلاردى باقىلاۋعا كەتەتىن ۋاقىتتى قىسقارتادى.
زاڭ جوبالارى پالاتانىڭ قاراۋىنا جىبەرىلدى.
