سپورت • 08 جەلتوقسان، 2020

نۇر-سۇلتان سپورت فەدەراتسيالارىنا قانداي جاعداي جاسالادى؟

11 رەت كورسەتىلدى

التاي كولگىنوۆ سپورتپەن اينالىسۋ ءۇشىن قوسىمشا ورىنداردى قاراستىرۋدى جانە ءبولۋدى، ساياباقتاردا فەدەراتسيالار ءۇشىن قولايلى ينفراقۇرىلىم قۇرۋدى تاپسىردى. بۇل تۋرالى نۇر-سۇلتان قالاسىنىڭ اكىمى Instagram پاراقشاسىندا جازدى، دەپ حابارلايدى Egemen.kz.

"جىل سايىن سپورتپەن بەلسەندى اينالىساتىن ادامداردىڭ سانى ارتىپ كەلەدى. قالا تۇرعىندارىنىڭ سپورتپەن تەك حوببي رەتىندە عانا ەمەس، سونىمەن قاتار كاسىبي تۇردە اينالىساتىنى ءبىزدى قۋانتادى. بۇعان دەيىن بىرقاتار سپورت فەدەراتسيالارىنىڭ باسشىلارىمەن كەزدەسىپ، سپورتشىلارعا سپورت نىساندارىن، سپورتتىق مەديتسينالىق مەكەمەلەردى ءبولۋ، سونداي-اق كيىم-كەشەكپەن جابدىقتاۋ جانە ت. ب. ماسەلەلەردى تالقىلادىق.

ءار ءتۇرلى سپورت تۇرلەرى بويىنشا فەدەراتسيالاردىڭ مۇددەلەرىن تولىق قامتۋ ءۇشىن كونكي تەبۋشىلەر (مانەرلەپ سىرعاناۋ، شورت-ترەك)، بياتلون، كەرلينگ، شاڭعى جارىستارى جانە ت. ب. فەدەراتسيا باسشىلارىمەن كەزدەستىم. سپورتپەن اينالىسۋ ءۇشىن قوسىمشا ورىنداردى قاراستىرۋدى جانە ءبولۋدى، ساياباقتاردا فەدەراتسيالار ءۇشىن قولايلى ينفراقۇرىلىم قۇرۋدى، ونىڭ ىشىندە كيىم اۋىستىرۋ، كەرەك-جاراقتاردى ساقتاۋ جانە ت. ب. ءۇشىن ارنايى ورىنداردى اباتتاندىرۋدى تاپسىردىم.

بيىل "جۇمىسپەن قامتۋدىڭ جول كارتاسى" باعدارلاماسى بويىنشا بىرقاتار سپورت نىساندارى جوندەلدى، 760 مىڭ شارشى مەتر (اۋلالار، قوعامدىق كەڭىستىكتەر) اباتتاندىرىلدى. قالانىڭ ەلدى-مەكەندەرىندە ءتورت ءىرى دەنە شىنىقتىرۋ-ساۋىقتىرۋ كەشەنىنىڭ قۇرىلىسىن جۇرگىزىپ جاتىرمىز. سپورت نىساندارىن سالۋ كەزىندە ءبىر عيماراتتا بىردەن بىرنەشە فەدەراتسيانىڭ جۇمىس ىستەۋى ءۇشىن نىسانداردىڭ سپورتتىڭ ءتۇرلى سالاسىنا بەيىم بولۋىن نازاردا ۇستايمىز"، - دەپ جازدى التاي كولگىنوۆ.

سوڭعى جاڭالىقتار

وسكەمەندە 5 كولىك سوقتىعىستى

ايماقتار • بۇگىن، 19:15

باس سانيتاردىڭ جاڭا قاۋلىسى شىقتى

قازاقستان • بۇگىن، 14:22

ۇقساس جاڭالىقتار