كەزدەسۋدىڭ باستى ماقساتى – كەلەسى جىلدىڭ 10 قاڭتارىنا بەلگىلەنگەن پارلامەنت ءماجىلىسى مەن ءماسليحات دەپۋتاتتارىنىڭ سايلاۋىنا قاتىستى بولدى.
نۇر-سۇلتان قالاسىنىڭ كاسىپوداقتار ورتالىعى توراعاسىنىڭ مىندەتىن اتقارۋشى تولەگەن كۇنادىلوۆ ءوز سوزىندە: "كاسىپوداقتار فەدەراتسياسى پارلامەنت ءماجىلىسى مەن ءماسليحاتتار دەپۋتاتتارىن سايلاۋعا بايقاۋشى رەتىندە قاتىسۋ تۋرالى مالىمدەمە جاسادى. بۇل سايلاۋ ناۋقانىن وبەكتيۆتى جانە ءادىل باعالاۋعا مۇمكىندىك بەرەدى. ەلوردالىق كاسىپوداقتار دا سايلاۋ ۇدەرىسىنىڭ اشىق ءارى زاڭ اياسىندا وتۋىنە بايقاۋشى رەتىندە قاتىسىپ, قولداۋىن كورسەتەدى", دەدى ول.
سونىمەن قاتار كاسىپوداقتار فەدەراتسياسى داۋىس بەرۋ, سايلاۋالدى ناۋقان كەزىندە جۇمىس بەرۋشىلەردىڭ تاراپىنان ەشقانداي قىسىمنىڭ, ءمəجبۇرلى داۋىس بەرگىزۋدىڭ بولماۋىن قاداعالايدى.
"سايلاۋ وتكىزۋدىڭ نەگىزگى قاعيدالارىنىڭ ءبىرى – ەرىك ءبىلدىرۋ بوستاندىعى, سايلاۋ ەرىكتىلىگى بولىپ تابىلادى. وسى قاعيدالار ەلىمىزدىڭ كونستيتۋتسياسىندا جانە "قازاقستان رەسپۋبليكاسىنداعى سايلاۋ تۋرالى" كونستيتۋتسيالىق زاڭىندا بەكىتىلگەن. ەگەر جۇمىس بەرۋشىلەر تاراپىنان سايلاۋعا قاتىسىپ, قانداي پارتياعا داۋىس بەرۋگە قىسىم جاسالسا, قالالىق شتابتىڭ جەدەل جەلىسىنە حابارلاسۋعا بولادى", دەپ اتاپ ءوتتى ت.كۇنادىلوۆ.
