سوڭعى بەس جىلدان بەرى بالالار كيىمىن تىگەتىن شەبەرحانا اشىپ, جۇمىسىن تابىستى جۇرگىزدى. ول وسى جىلدار ىشىندە اۋىل شارۋاشىلىعىن قارجىلاي قولداۋ قورىنان جوباسىن قارجىلاندىرۋ ءۇشىن ءتورت رەت قارجى الدى. تىگىن ماشينكاسىنان ءىسىن باستاعان مۇمكىندىگى شەكتەۋلى جان قازىر توعىز ادامدى جۇمىسپەن قامتىپ وتىر.
– بيىل ءبىز شەبەرحانامىزدى كەڭەيتۋدى كوزدەدىك. سول ماقساتقا 6 ملن تەڭگە نەسيە الدىق. ماۋسىم ايىندا قوسىمشا قۇرىلىس سالۋدى اياقتادىق. كارانتينگە بايلانىستى جاڭا جابدىقتى ساتىپ الا الماي وتىرمىز. الايدا بۇل ماسەلە جاقىن ارادا شەشىمىن تابارىنا سەنەمىن, – دەيدى تاعدىردىڭ قيىندىعىنا مويىماعان ءاليا يسيموۆا.
ونىڭ ايتۋىنشا, كارانتين كەزىندە ونىڭ شەبەرحاناسىنا تاپسىرىس بەرۋشىلەر قاتارى ازايمادى. ويتكەنى ءاليا يسيموۆا اشقان شەبەرحانانىڭ تىگىنشىلەرى بالالار كيىمىن ساپالى تىگەدى. ال تاپسىرىس بەرگەن تۇتىنۋشىلار تاراپىنان شاعىم بولعان ەمەس.
– مەملەكەت تاراپىنان كاسىپكەرلەرگە كورسەتىلەتىن قولداۋدى مەن دە سەزىندىم. ەڭ باستىسى, اركىمنىڭ ءوز جوباسىن ىسكە اسىرۋعا ىقىلاسى بولۋى كەرەك. مەن ۇسىنعان بيزنەس-جوباعا «ەڭبەك» باعدارلاماسىمەن وتە ءتيىمدى شارتتارمەن نەسيە الدىم. نەسيەنى وتەۋ مەرزىمى – 4 جىل. ال جىلدىق مولشەرلەمەسى 6 پايىز بولعانى ءبىز سەكىلدى كاسىپكەرلەرگە ۇلكەن قولداۋ بولادى دەپ ويلايمىن. نەسيە تولەمىن مەرزىمىندە تولەيمىن. سول سەبەپتەن بولار, اۋىل شارۋاشىلىعىن قارجىلاي قولداۋ قورىنىڭ قىزمەتكەرلەرى ماعان قاجەتتى قاعازدارىمدى تەز رەسىمدەپ بەردى, – دەدى ءا.يسيموۆا.
اتىراۋ وبلىسى
