ساياسات • 07 جەلتوقسان، 2020

جاڭا كەلىسىم – جارقىن باستاما

68 رەت كورسەتىلدى

قولجازبالار جانە سيرەك كىتاپتار ۇلتتىق ورتالىعى نۇر-سۇلتان قالاسىنىڭ مەملەكەتتىك ارحيۆىمەن ءوزارا ارىپتەستىك تۋرالى مەموراندۋمعا قول قويدى. بۇل ماڭىزدى ۋاعدالاستىق عىلىمي زەرتتەۋلەر سالاسىنداعى ىنتىماقتاستىقتى دامىتۋعا ءارى ەكى ۇيىم اراسىنداعى بايلانىستى نىعايتۋعا جول اشپاق.

مۇنداعى ماقسات – ەكى جاق­تىڭ مۇمكىندىكتەرى مەن عىلىمي-زەرتتەۋ قىزمەتتەرىن ءتيىمدى پايدالانۋ، مادەني مۇ­رانى ساقتاۋ، ەلدىڭ تاريحىنا، مادەنيەتىنە جانە تۇرمىس جاعدايىنا قاتىستى قولجازبالار مەن سيرەك كى­تاپ­تاردىڭ قۇندىلىعىن انىق­تاۋ. سونىمەن قاتار كاتالوگ­تەندىرۋ، قولجازبا باسپالارى، ليتوگرافيا، بەتتىك باس­­­پا، تسيفرلى كوشىرمەلەر مەن قولجازبالاردى قولدانۋ جانە قايتا قالپىنا كەلتىرۋ جۇمىستارىنا قاتىسۋ ماق­ساتىندا ماماندارمەن الماسۋ دا كوزدەلەدى. وسىعان ساي­كەس كەلىسىمشارت اياسىندا ۇزاق جانە قىسقا مەرزىمدى تاعى­لىم­دامادان، وقۋ-ون­دى­رىستىك جانە عىلىمي تاجى­ريبەدەن ءوتۋ جانە زەرتتەۋ­شى­لەرمەن كاسىبي تاجىريبەلەر الماسۋ كوزدەلگەن.

شارا بارىسىندا قول­جاز­بالار جانە سيرەك كىتاپ­تار ۇلت­­تىق ورتا­لى­عى­نىڭ باسشى­سى مالىك وتار­باەۆ پەن قا­لالىق ءارحيۆ­تىڭ ديرەك­تورى مەيرام بەك­تەمباەۆ يدەيالاردى ىلگەرىلەتۋگە ۋادەلەستى. ال­داعى ۋاقىتتا ورتاق مۇددە ءۇشىن ايانباي ەڭبەك ەتۋگە ءارى ار­حيۆ سالا­سىنىڭ دامۋىنا كۇش سالۋعا ءسوز بەردى.

ايتا كەتەيىك، ەكى تاراپ عى­لىمي كونسۋلتانتتاردى تارتۋ ارقىلى عىلىمي-پراكتيكالىق زەرتتەۋلەر جۇرگىزۋ جوسپارلانىپ وتىر. تاراپتار بىرىككەن كونفەرەنتسيالار، سەمينارلار، سيمپوزيۋمدار، دوڭگەلەك ۇس­تەلدەر ۇيىمداستىرىپ، باس­قا دا ۇقساس عىلىمي شارالار جانە وزگە دە باستامالاردى جۇرگىزەدى.

 

سوڭعى جاڭالىقتار

ۇقساس جاڭالىقتار