قىتاي "ەۋرازيا كونتينەنتىنىڭ بولات كەرۋەنىن" قۇرۋدى ۇسىنادى

ەكونوميكا • 05 جەلتوقسان، 2020

قىتاي "ەۋرازيا كونتينەنتىنىڭ بولات كەرۋەنىن" قۇرۋدى ۇسىنادى

29 رەت كورسەتىلدى

ەۋرازيا كونتينەنتىنىڭ بولات كەرۋەنى» مەن ۇلكەن ەۋرازيانىڭ ىسكەرلىك قاۋىمداستىعىن قۇرۋ تۋرالى ەۋرازيالىق دامۋ بانكى (ەادب) ەۋرازيالىق ەكونوميكالىق كوميسسيامەن (ەەك) ءبىرىنشى ەۋرازيالىق كونگرەسس شەڭبەرىندە وتكىزگەن «ۇلكەن ەۋرازياعا مەملەكەتتەر، بيزنەس جانە ادامدار كونيۋگاتسياسى ارقىلى» ارنايى پانەلىنىڭ قاتىسۋشىلارى ۇسىندى، دەپ جازادى Egemen.kz ەەك سايتىندا جاريالانعان اقپاراتقا سىلتەمە جاساپ.

گۇلبارشىن ايتجانبايقىزى

تالقىلاۋدى ەەك ساۋدا جونىندەگى القا مۇشەسى (مينيستر) اندرەي سلەپنەۆ جۇرگىزدى.

قىتاي حالىق رەسپۋبليكاسى ساۋدا ءمينيسترىنىڭ ورىنباسارى يۋي تسزيانحۋا پاندەميانىڭ قيىن كەزەڭىنىڭ ەرەكشەلىكتەرىن اتاپ ءوتتى. سونىمەن بىرگە قىتاي مەن ەاەو ەلدەرى ءوزارا ءبىر-ءبىرىن مەديتسينالىق قۇرالدارمەن قامتاماسىز ەتەدى، جەتكىزىلىم تىزبەگىن قامتاماسىز ەتەدى، سونداي-اق ىنتىماقتاستىق تۋرالى كەلىسىمدى جۇزەگە اسىرادى. جاڭا 14-بەسجىلدىق جوسپارعا سايكەس، قىتاي كەلەسى جىلدان باستاپ اشىق ەكونوميكا قۇرۋدىڭ جاڭا كەزەڭىن باستاۋعا دايىن.

قحر وكىلى ەاەو-مەن ىنتىماقتاستىق تۋرالى بىرنەشە باستاما جاريالادى. وسىلايشا، ەاەو ەلدەرى مەن قىتاي اراسىنداعى ەركىن ساۋدا ايماعى تۋرالى كەلىسىمنىڭ تەحنيكالىق-ەكونوميكالىق نەگىزدەمەسىن باستاۋ ۇسىنىلادى. بۇل فورمات بارلىق تاراپتاردىڭ ەكونوميكاسىن دامىتۋ، الەمدىك ساۋدا مەن ينۆەستيتسيالاردى ىرىقتاندىرۋ جانە نىعايتۋ ءۇشىن قاجەت.

سونداي-اق، ەكونوميكالىق قىزمەتتىڭ ۇزدىكسىزدىگىن قامتاماسىز ەتۋ، ەكىجاقتى ديالوگتى تەرەڭدەتۋ جانە ستاندارتتاردىڭ ۇيلەسۋىن كۇشەيتۋ ماڭىزدى. ول ءۇشىن، باسقالارمەن قاتار، ەاەو مەن قىتاي اراسىنداعى كەلىسىمدى جۇزەگە اسىرۋ جونىندەگى بىرلەسكەن كوميسسيانىڭ پلاتفورماسىن پايدالانۋ، حالىقارالىق ساۋدا پروتسەدۋرالارىن جەڭىلدەتۋ، ترانسشەكارالىق ەلەكتروندى ساۋدانى دامىتۋ جانە جەتكىزىلىم قاۋىپسىزدىگىن قامتاماسىز ەتۋ شارالارىن ەنگىزۋ قاجەت.

يۋي تسزيانحۋا سونىمەن قاتار ءوزارا بايلانىس دەڭگەيىن جاقسارتۋ قاجەتتىگىن ايتتى. تاۋارلارعا ارنالعان «جاسىل» دالىزدەردىڭ قۇرىلىسىن ىلگەرىلەتۋ، شەكارا پورتتارىنداعى كەدەندىك راسىمدەۋدىڭ تيىمدىلىگىن ارتتىرۋ، لوگيستيكالىق جانە قويما ورتالىقتارىن، جاڭا ەۋرازيا كوپىرى سياقتى ەكونوميكالىق دالىزدەر قۇرىلىسىن جانداندىرۋمەن بىرگە «ەۋرازيا كونتينەنتىنىڭ بولات كەرۋەنىن» سالۋ ماڭىزدى بولار ەدى.

رەسەي فەدەراتسياسىنىڭ ەۋروپالىق وداقتاعى تۇراقتى وكىلى ۆلاديمير چيجوۆ جاقىن ارادا الەمدىك ويىنشىلار اراسىندا قايراتكەرلەردىڭ جاڭا ورنالاسۋىن كۇتۋگە بولاتىندىعىن اتاپ ءوتتى. بۇل تابيعي پروتسەسس جانە ۇلكەن ەۋرازيانىڭ پوليۋستەردىڭ بىرىنە اۋىسۋى زاڭدى. سونىمەن قاتار، مۇنداي سەرىكتەستىكتىڭ ماقساتتارىنىڭ قاتارىندا جەڭىلدەتىلگەن ساۋدا رەجيمدەرىن قالىپتاستىرۋ، اقشا-نەسيە جانە قارجى قاتىناستارىنىڭ جاڭا جۇيەسىنە كوشۋ جانە ناتيجەسىندە ۇزاق مەرزىمدى وركەندەۋدى قامتاماسىز ەتۋ بولىپ تابىلادى. وسىعان بايلانىستى بىرجاقتى پروتەكتسيونيستىك شارالاردى ەنگىزۋ، كەدەرگىلەر جاساۋ وتە جاعىمسىز.
قازاقستان رەسپۋبليكاسى ستراتەگيالىق جوسپارلاۋ جانە رەفورمالار اگەنتتىگىنىڭ توراعاسى، «استانا» حالىقارالىق قارجى ورتالىعىنىڭ گۋبەرناتورى قايرات كەلىمبەتوۆ ورتالىق ازيا بۇگىندە ينفراقۇرىلىم بولىپ تابىلادى دەپ سانايدى. بۇل ءوزارا بايلانىستى پلاتفورمانى قامتيدى: كوپتەگەن ەلدەر تەڭىزگە شىعا المايدى، بىراق سونىمەن بىرگە، بتسج ەسەپتەۋلەرى بويىنشا، بۇل وتە ۇلكەن نارىق، ونىڭ سىيىمدىلىعى 100 ميلليوننان اسادى. سوندىقتان ءوزارا بايلانىس جانە ءار ءتۇرلى پلاتفورمالىق شەشىمدەر وتە ماڭىزدى.

تالقىلاۋدى قورىتىندىلاي كەلە، ەەك ساۋدا ءمينيسترى اندرەي سلەپنەۆ بۇگىندە الەمدە دامۋ قۇرالدارى مەن درايۆەرلەرى ونشا كوپ ەمەس ەكەنىن اتاپ ءوتتى: بيۋدجەتتى ىنتالاندىرۋ قۇرالدارى ءىس جۇزىندە تاۋسىلعان، اقشا-نەسيە ادىستەرىن ودان ءارى قولدانۋ شىندىققا جاناسپايتىن بولىپ كورىنەدى، سونىمەن قاتار قازىرگى جاعدايداعى ساۋدانىڭ جارىلعىش ءوسۋىن بولجاۋعا نەگىز از. ... «بۇگىنگى پىكىرتالاس بۇل جاھاندىق درايۆەر ءبىزدىڭ كوز الدىمىزدا ەكەنىن كورسەتەدى - بۇل ءبىزدىڭ ۇلكەن كونتينەنتىمىز، بۇل بايلانىس ارقىلى، ترانسازيالىق ەۋرازيالىق دالىزدەر، جوبالار جانە تسيفرلاندىرۋ مەن كليمات ماسەلەلەرى سالاسىنداعى دامۋدىڭ ورتاق باعدارلاماسى ارقىلى اشىلاتىن الەۋەت»، - دەدى. مينيستر.

كۇننىڭ ماڭىزدى جانە وزەكتى جاڭالىقتارىن «ەگەمەن قازاقستان» تەلەگرام كانالىنان وقىڭىز