ايماقتار • 04 جەلتوقسان، 2020

ەرلان تۇرعىمباەۆ ۋچاسكەلىك ينسپەكتورلار جۇمىسىن كۇشەيتۋدى تاپسىردى

42 رەت كورسەتىلدى

ىشكى ىستەر ءمينيسترى ەرلان تۇرعىمباەۆ اقتوبە وبلىسىنا جۇمىس ساپارىندا قوعامدىق ءتارتىپ پەن قاۋىپسىزدىكتى ساقتاۋ بويىنشا اتقارىلعان جۇمىستارمەن تانىسىپ، وبلىستىق پوليتسيا دەپارتامەنتىنىڭ جەكە قۇرامىمەن كەزدەستى، دەپ حابارلايدى Egemen.kz.

كەزدەسۋدە ۆەدومستۆو باسشىسى ۇيىمداسقان قىلمىس پەن ەسىرتكى قىلمىسىنا، ۇرلىققا، ونىڭ ىشىندە مال ۇرلىعىنا قارسى اتقارىلىپ جاتقان جۇمىستاردىڭ ەسەبىن تىڭداپ، قۇقىق قورعاۋ قىزمەتكەرلەرىنە بىرقاتار ناقتى تاپسىرمالار بەردى. ەرلان تۇرعىمباەۆتىڭ ايتۋىنشا، قازىرگى ۋاقىتتا  پرەزيدەنت قاسىم-جومارت توقاەۆتىڭ ءوزارا قارىم-قاتىناستىڭ سەرۆيستىك مودەلىنە كوشۋ، قۇرىلىمدىق رەفورمالار جۇرگىزۋ، ءتيىمدى كادر ساياساتى، تسيفرلىق تەحنولوگيالاردى ەنگىزۋ سياقتى ىشكى ىستەر مينيسترلىگىنىڭ الدىنا قويعان مىندەتتەرىن ورىنداۋ كەزەك كۇتتىرمەيتىن ماسەلە بولىپ تۇر.

مينيستر جەرگىلىكتى پوليتسيا قىزمەتىنە قاراستى ۋچاسكەلىك ينسپەكتورلاردىڭ جۇمىسىمەن ەگجەي-تەگجەيلى تانىسۋ ءۇشىن ۋچاسكەلىك پۋنكتتەردى ارالادى. بۇل جەردە ينسپەكتورلار وقيعا ورنىندا قۇقىق بۇزۋشى تۋرالى جەدەل مالىمەتتەردى الۋعا مۇمكىندىك بەرەتىن زاماناۋي تەحنولوگيالارمەن تانىستىردى.

ەرلان تۇرعىمباەۆ وبلىس اكىمى وڭداسىن ورازالينمەن كەزدەسۋىندە ەل پرەزيدەنتىنىڭ «جۇرتقا جاقىن پوليتسيا» قاعيداتى بويىنشا جەرگىلىكتى پوليتسيا قىزمەتىنە رەفورما جۇرگىزۋدى تاپسىرعانىن ەسكەرە وتىرىپ، ۋچاسكەلىك ينسپەكتورلار جۇمىستارىن كۇشەيتۋ باعىتتارىنا توقتالدى. سونىڭ ىشىندە پوليتسيانىڭ ۋچاسكەلىك پۋنكتتەرىنە ءۇي-جايلار ءبولۋ، ءىرى تۇرعىن ءۇي الابى مەن ۋچاسكەلىك پۋنكتتەرى جوق اۋدانداردا جاڭا پوليتسيا بەكەتتەرىن سالۋ ماسەلەلەرى جان-جاقتى تالقىلاندى. قازىرگى جاعدايدا ءاربىر  ۋچاسكەلىك ينسپەكتور وزىنە بەكىتىلگەن اۋماقتاعى احۋالدى جاقسى ءبىلىپ وتىرۋى ءتيىس. اسىرەسە قىزمەتكەردىڭ قۇقىق بۇزۋشىلىققا بەيىم، وتباسىلىق جانجال تۋدىراتىن جانداردى باقىلاپ، تۇرعىندارمەن تىعىز قارىم-قاتىناستا بولۋى قىلمىستىڭ الدىن الۋ ءۇشىن وتە ماڭىزدى. مينيستر كەزدەسۋ سوڭىندا قۇقىقتىق ءتارتىپ پەن ازاماتتاردىڭ قاۋىپسىزدىگىن قامتاماسىز ەتۋدە پوليتسياعا قولداۋ كورسەتكەن جەرگىلىكتى اتقارۋشى ورگاندار باسشىلارىنا العىسىن جەتكىزدى. ايتا كەتۋ كەرەك، اقتوبە قالاسىندا 125 ۋچاسكەلىك پوليتسيا ينسپەكتورى مەن ولاردىڭ 14 كومەكشىسى، وبلىس اۋداندارىندا–108 كومەكشىسى جۇمىس ىستەيدى. اقتوبە قالاسىندا – 25، ال اۋدانداردا 145 ۋچاسكەلىك پوليتسيا پۋنكتى عيماراتى بار.

سوڭعى جاڭالىقتار

6 ءوڭىر «جاسىل» ايماقتا تۇر

كوروناۆيرۋس • كەشە

دەپۋتاتتى پىشاقتاپ كەتتى

الەم • 15 قازان، 2021

شەتەلدىك ۆاكتسينالار اقىلى بولادى

كوروناۆيرۋس • 15 قازان، 2021

ۇقساس جاڭالىقتار