"تۇرعىنداردىڭ دەنساۋلىعىن قورعاۋ ماقساتىندا كوپتەگەن شارالاردى قاراستىرىپ وتىرمىز. اتاپ ايتار بولساق, قالادا جالپى قۋاتتىلىعى كۇنىنە 3550 تەستكە جەتەتىن 9 پتر زەرتحانانىڭ جۇمىسىن جولعا قويدىق. جەدەل جاردەم 100 اۆتوكولىگىمەن تولىعىپ, قۋاتتىلىعى تاۋلىگىنە 3 500-گە جەتەتىن call-center ىسكە قوسىلدى. وسى جىلى 6,4 ملرد تەڭگەگە 7 مەديتسينا مەكەمەلەرىنىڭ عيماراتتارىنا كۇردەلى جوندەۋ جۇمىستارى جۇرگىزىلدى. ال ماتەريالدىق-تەحنيكالىق جابدىقتاۋعا 6 ملرد 600 ملن تەڭگە ءبولىندى", - دەدى م.ايتەنوۆ.
بۇگىندە شىمكەنتتە 19 كومپيۋتەرلىك توموگرافيا اپپاراتى جۇمىس ىستەپ تۇر. جىل باسىندا قالادا 310 يۆل اپپاراتى بولسا, قازىر ولاردىڭ 612-گە جەتتى. 3 وتتەگى ستانتسياسى ورناتىلدى. بۇدان بولەك ارنالعان سۇيىق وتتەگىگە 9 رەزەرۆۋار ورناتۋ جۇمىسى جۇرگىزىلىپ وتىر.
سونىمەن قاتار بۇگىنگى كۇنى قالانىڭ ءدارىحانالارىندا كوروناۆيرۋستى ەمدەۋ ءۇشىن 1,7 ملرد تەڭگە كولەمىندە ءدارى-دارمەك قورى جاساقتالدى.
