ايماقتار • 04 جەلتوقسان، 2020

اتىراۋ وبلىسى اكىمىنىڭ ءبىرىنشى ورىنباسارى مەن قۇرىلىس باسقارماسىنىڭ باسشىسى سوتقا بەرىلدى

17 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى اتىراۋ وبلىسى اكىمىنىڭ ءبىرىنشى ورىنباسارى مەن قۇرىلىس باسقارماسىنىڭ باسشىسىنا قاتىستى قىلمىستىق ءىستى سوتقا دەيىنگى تەرگەپ-تەكسەرۋدى اياقتادى. بۇل تۋرالى اگەنتتىكتىڭ ءباسپاسوز قىزمەتى حابارلادى.

ولار اتىراۋ وبلىسى جىلىوي اۋدانىنىڭ قۇلسارى قالاسىنداعى 200 ورىندىق جاڭا اۋرۋحانا كەشەنىن پايدالانۋعا قابىلداۋ اكتىسىنە قول قويۋعا جاردەمدەسكەنى جانە جالپى قامقورلىعى ءۇشىن الدىن الا ءسوز بايلاسۋ ارقىلى ءبىر توپ اداممەن 185 ملن تەڭگە سوماسىندا اسا ءىرى كولەمدە پارا الۋدا كۇدىكتى بولدى.

اعىمداعى جىلدىڭ 3 جەلتوقسانىندا قىلمىستىق ءىس اتىراۋ وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا جولداندى.
كۇدىكتىلەر كىناسىنىڭ دەڭگەيى تۋرالى تۇپكىلىكتى شەشىمدى سوت شىعارادى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار