قوعام • 04 جەلتوقسان، 2020

اقتوبەدە شەتەل ازاماتى ەسىرتكىمەن ۇستالدى

9 رەت كورسەتىلدى

اقتوبەدە شەتەل ازاماتى ءىرى كولەمدەگى ەسىرتكىمەن ۇستالدى، دەپ حابارلايدى Egemen.kz Polisia.kz سايتىنا سىلتەمە جاساپ. 

2020 جىلعى 25 قاراشادا اقتوبە قالاسىندا “قۇقىقتىق تارتىپ” جەدەل الدىن الۋ ءىس-شاراسىن وتكىزۋ كەزىندە پوليتسيا قىزمەتكەرلەرى “قالالىق پروكۋراتۋرا” باۋ – باقشا ۇجىمىنىڭ جانىندا “Mitsubishi Galant” ماركالى جەكە اۆتوكولىكتى توقتاتتى. وندا 33 جاستاعى جولاۋشى، وزبەكستان رەسپۋبليكاسىنىڭ ازاماتى ك.-دان پوليتسيا قىزمەتكەرلەرى جالپى سالماعى ەكى كەلىدەن اساتىن “ماريحۋانا” ەسىرتكى زاتى بار پاكەتتى تاركىلەدى. ۋاقىتشا تۇرعىلىقتى جەرى بويىنشا سانكتسيالانباعان ءتىنتۋ بارىسىندا ازامات كيرپيچنىي كەنتىنىڭ اۋدانىندا جازعى اس ۇيدەگى اۆتوموبيل شينالارىنىڭ ىشىنەن سكوتچپەن جەلىمدەلگەن ءبىر پاكەت تابىلىپ، تاركىلەندى. ونىڭ ىشىندە سالماعى سەگىز كەلىدەن اساتىن “ماريحۋانا” ەسىرتكى زاتى بولعان.

اتالعان فاكتى بويىنشا قر قك 296-بابى (ەسىرتكى زاتتارىن اسا ءىرى مولشەردە وتكىزۋ) بويىنشا سوتقا دەيىنگى تەرگەۋ باستالدى. ۇستالعان ازامات اقتوبە قالاسىنىڭ ۋاقىتشا ۇستاۋ يزولياتورىنا قامالدى.   اقتوبە وبلىسى پد قىزمەتكەرلەرى جىل باسىنان بەرى 300 ەسىرتكى قىلمىسىن انىقتادى، ونىڭ ىشىندە 83 ەسىرتكى قىلمىسى، 500 كەلىدەن استام ەسىرتكى تاركىلەندى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار