قازاقستان • 04 جەلتوقسان، 2020

انتيكور حالىقارالىق الاڭداردا تاجىريبەسىمەن ءبولىسۋدى جالعاستىرۋدا

10 رەت كورسەتىلدى

سىبايلاس جەمقورلىققا قارسى ءىس-قيمىل اگەنتتىگى توراعاسىنىڭ ءبىرىنشى ورىنباسارى ولجاس بەكتەنوۆ 9 جەلتوقساندا اتاپ وتىلەتىن دۇنيەجۇزىلىك سىبايلاس جەمقورلىققا قارسى كۇرەس كۇنىنە وراي وزبەكستاننىڭ سىبايلاس جەمقورلىققا قارسى ۆەدومستۆوسى ۇيىمداستىرعان حالىقارالىق كونفەرەنتسياعا قاتىستى.

ءوز cوزىندە ول سىبايلاس جەمقورلىققا قارسى پارمەندى ءىس-قيمىل جاساۋ ءۇشىن اشىقتىقتى، مەملەكەتتىك اپپاراتتىڭ ەسەپتىلىگىن جانە قوعامدىق قاتىسۋدى ارتتىرۋ قاجەتتىگىن اتاپ ءوتتى.

ولجاس بەكتەنوۆ مەملەكەتتىك قىزمەت ساپاسىن ارتتىرۋدا جانە تۇرمىستىق سىبايلاس جەمقورلىقتى تومەندەتۋدە تسيفرلىق شەشىمدەردى ءتيىمدى قولدانۋدىڭ بىرقاتار مىسالدارىن كەلتىردى.

بىرقاتار مەملەكەتتىك قىزمەتتەردى، ليتسەنزيالاۋدى، سوت ءىسىن جۇرگىزۋدى، كەدەندىك جانە سالىقتىق اكىمشىلەندىرۋدى «ەلەكتروندىق جولعا» اۋىستىرۋ ماڭىزدى قادام بولدى.

الەۋمەتتىك قىزمەت كورسەتۋ بارىسىندا جەمقورلىق كورىنىستەرىن ازايتۋ تۇرعىسىندا اتتاس پورتال، «دامۋمەد» موبيلدىك قوسىمشاسى جانە زەينەتاقى مەن جاردەماقى تاعايىنداۋمەن بايلانىستى ۇدەرىستەردى تسيفرلاندىرۋ اتاپ ءوتىلدى.

جەمقورلىقتىڭ الدىن الۋدىڭ تاعى ءبىر ماڭىزدى اسپەكتىسى – قوعامدىق قاتىسۋ مەن باقىلاۋ قۇرالدارىن كەڭەيتۋ.

بۇل باعىتتا «ادالدىق الاڭى» جانە «اشىق بيۋدجەت» جوبالارىنىڭ، ارنايى مونيتورينگتىك توپتاردىڭ، قوعامدىق باقىلاۋدىڭ ينتەراكتيۆتى كارتاسىنىڭ تاجىريبەسى تابىستى.

كونفەرەنتسياعا قاتىسۋشىلار قابىلدانىپ جاتقان شارالاردىڭ ماڭىزدىلىعىن اتاپ ءوتىپ، قازاقستاننىڭ تۇساۋكەسەرىنە وڭ باعا بەردى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار