الەم • 04 جەلتوقسان، 2020

استراحان وبلىسىندا قازاق ءتىلىن ۇيرەتەتىن ەكى سىنىپ اشىلدى

15 رەت كورسەتىلدى

«وتانداستار» قورى رەسەي فەدەراتسياسى استراحان وبلىسىنىڭ ەكى اۋدانىندا قازاق ءتىلىن وقىتاتىن سىنىپتاردىڭ اشىلۋىنا قولداۋ كورسەتتى. بۇگىندە تەحنيكالىق تۇردە جۇمىس ىستەپ جاتقان سىنىپتاردىڭ رەسمي اشىلۋى تاۋەلسىزدىك كۇنىنە وراي باس كونسۋلدىڭ قاتىسۋىمەن وتەدى، - دەپ حابارلايدى Egemen.kz

«نيكيتا ىسقاقوۆ اتىنداعى سەميبۋگورەن ورتا مەكتەبى» مۋنيتسيپالدى قازىنالىق جالپى ءبىلىم بەرۋ مەكەمەسى قازاق تىلىنە ارناپ جەكە كابينەت ءبولدى. ول كابينەتتە قازاقتىڭ ۇلتتىق مادەنيەتى، ونەرى، ادەبيەتى، تۇرمىستىق بۇيىمدارىمەن تانىسۋعا بولادى. كابينەت وتانداستار قورىنان تەلەۆيزور، بەينەكامەرا، نوۋتبۋكتار ءتارىزدى قۇندى سىيلىقتار جەتكىزىلگەننەن سوڭ اشىلادى. مەكتەپ ديرەكتورى ريمما يبراگيموۆا قانداستارعا قامقورلىعى ءۇشىن قور مەن دۇنيەجۇزى قازاقتارىنىڭ قاۋىمداستىعىنا العىس ايتتى.

ەكىنشى ونلاين-سىنىپ ۆولودار اۋدانى كالينين اۋىلىندا اشىلادى. اكادەميك ەرەجەپ مامبەتقازيەۆ اتىنداعى كالينين ورتا مەكتەبىنىڭ ديرەكتورى ارمان نۇرليەۆتىڭ ايتۋىنشا قازاق ءتىلى كابينەتى قور سىيلاعان ەڭ زاماناۋي جابدىقتارمەن جابدىقتالادى.

استراحان وبلىسىندا رەسمي دەرەك بويىنشا ءومىر سۇرەتىن 160 مىڭ ەتنيكالىق قازاقتىڭ باسىم بولىگى اۋىلدىق جەرلەردە تۇرادى. ماسەلەن، كالينين اۋىلى تۇرعىندارىنىڭ 99،9 پايىزى قازاق. ولار ۇلتتىق سالت-ءداستۇردى ساقتاۋ ءۇشىن بارلىق مۇمكىندىكتى پايدالانۋدا. قوردىڭ اتالعان اۋىل مەكتەبىندە قازاق ءتىلى كابينەتىن اشۋى شەت ەلدەگى قانداستارىمىزدى تاريحي وتانىمەن بۇرىنعىدان دا جاقىنداستىرادى.

سوڭعى جاڭالىقتار

دوللار ارزانداپ جاتىر

ەكونوميكا • بۇگىن، 11:37

قالادا قار بورايدى...

ايماقتار • بۇگىن، 10:47

ۇقساس جاڭالىقتار