ەڭ قىسقا اڭگىمە • 04 جەلتوقسان، 2020

ول كەزدە ناديا وتىزدا ەدى

34 رەت كورسەتىلدى

قازاقتىڭ ورەلى ءسوزىن وزگەلەردەن وتكىزە دارىپتەگەن دارىن – بيىل سەكسەننىڭ سەڭگىرىنە كوتەرىلگەن نادەجدا لۋشنيكوۆا اپامىز قانداي قۇرمەتكە بولسا دا لايىق. بۇل كىسى وزگە ۇلت وكىلدەرىنىڭ ىشىندە قازاق ونەرىن قادىرلەۋدىڭ ەتالونىنا اينالعان ساناۋلى ءسوز ساڭلاعىنىڭ ءبىرى ەكەنىن مۇقىم قازاق مويىنداعان.

سۋرەتتى تۇسىرگەن بولات وماراليەۆ

ء«Egemennىń» بەلدى جۋر­ناليس­تەرىنىڭ ءبىرى ارمان وكتيابردىڭ مەرەيتويلىق سۇحباتى «نادەجدا اپاي، 80 دەيتىن بەلەستىڭ بيى­گىندەسىز. ەسەنقۇل ءىنىڭىز ايتقان­داي، تىرشىلىكتە ادام شىركىن قاشقانعا دا، قۋعانعا دا ىلەسىپ، جاقسىنى دا، جاماندى دا كورەدى. قولىڭىزعا دومبىرا ۇستاعان مونشاقتاي كۇنىڭىزدەن الاشتىڭ ايالى الاقانىندا كەلەسىز. اسقان اسۋ، اتتاعان بەلەس، ءجۇرىپ وتكەن جولىڭىزعا وسى بيىكتەن كوز تاستاعاندا نەنى كورەسىز؟» دەگەن ساۋالىمەن ورىلگەن ەكەن.

ونەگەلى ونەر يەسى: «اسپان­كوڭىل قازاقتىڭ اپپاق نيەتىن كورەم. زاۋ بيىكپەن استاسقان اسقار شىڭدارى بار سالقار دا­لانى كورەم. الاتاۋداي ايبىندى، الاكولدەي ايدىندى حالقىمدى كورەم. الاقانىنا سالىپ، قۇشاعىن اشقان، كوڭىلى تاۋ بۇلاعىنداي تازا اقەدىل اعايىندى كورەم. قادىرى التىن­نان بيىك قارانار اعالاردى، تەكتىلىكتى تۇمار ەتكەن اياۋلى انا­لاردى كورەم. مىنە، وسىلار مەنىڭ ونەرىم مەن ءومىرىمدى ورگە سۇيرەدى، باسىمدى تورگە سۇيرەدى، جىعىلعاندا جانىما جالاۋ بولدى. اتىمدى بايگەدەن كەلتىرىپ، اقىنىم دەپ ارقامنان قاقتى. اق تىلەگىن اياعان جوق. اللا اۋزىما ءسوز سالىپ، باسىما باق قوندىرسا، قانداي دا ءبىر بيىككە جەتكەن بولسام، ارمانى بيىك ادامداردىڭ اق-تىلەگىنىڭ شاراپاتى دەپ بىلەم»، دەگەن ەكەن.

ەندەشە، الەۋمەتتىك جەلىدەن وسىدان 50 جىل بۇرىن تۇسىرىلگەن جانى سۇلۋ اقىننىڭ سيرەك سۋ­رەتىن تاۋىپ، ونىڭ سىرىن وقىر­مانمەن ءبولىسىپ وتىرعان جايىمىز بار.

– بۇل سۋرەتتى 1970 جىلى ءتۇ­سىرىپپىن. وزىمدە 50 جىل ساق­تاعان ەكەنمىن.

ومىردە قىزعانشاق ەمەسپىن، بىراق ءوز فو­توونەرىمە كەلگەندە قىزعانشاقپىن. اي­تىسكەر جانە جازبا اقىن نادەجدا ان­درەەۆنا لۋشنيكوۆا قازاقتىڭ ورتاسىندا، اۋىلدا تۋىپ-وسكەن، قازاقى تاربيەلەنگەن دارىندى قىز. مەكتەپتى دە، جوعارى وقۋ ورنىن دا قازاقشا بىتىرگەن. بۇل سۋرەتتى ناديا قىزىلوردا پە­داگوگيكالىق ۋچيليششەسىندە وقىپ جۇرگەندە ءتۇسىرۋدىڭ ءساتى كەلىپتى.

– الماتىدان اسەت بەي­سەۋوۆ پەن تۇمان­باي مولداعا­ليەۆ ەكەۋى كەلىپ، پەدۋ­چيليششە­دە وقىرماندارىمەن، ستۋ­دەنتتەرمەن كەزدەسۋ كەشى ءوتتى. سوندا باسقا دا اقىن قىز­دار­مەن بىرگە ولەڭ وقىدى. ين­تەرنەتتى قاراسام، ناديا قازاق پە­داگوگيكالىق ينستيتۋتىن 1969 جىلى ءبىتىرىپتى. ءوزى ءبىراز وقىپ كەتكەن پەد­ۋچي­­ليششەدە دە مۇعالىم بولدى دەپ ەستىگەنمىن. ال سۋرەتتى 1970 جىلى ءتۇسىردىم. سوندا ناديا 30 جاستا ەكەن، – دەيدى قىزىلوردالىق ارداگەر ءفوتوتىلشى بولات وماراليەۆ.

«سول كۇنى ەسىمدە، تۇمانباي جاڭا ولەڭ­دەرىن وقىدى. اسەت جاڭا جازىلعان «التى­نىم» ءانىنىڭ وسى جەردە تۇساۋىن كەسىپ، تۇڭ­عىش رەت ورىنداپ جاتقانىن ايتتى. كوپ نارسە ەستە قالماپتى، قايتا تۇمانباي مەن اسەتتىڭ كەلگەنىن ۇمىتپاعان ەكەنمىن»، دەپ ەسكە الادى شىعارماشىلىق قورجىنى قازىناعا تولى با­يىرعى ءفوتوتىلشى.

 

الماتى

 

سوڭعى جاڭالىقتار

ىندەت جۇقتىرعاندار سانى كوبەيدى

كوروناۆيرۋس • بۇگىن، 13:58

سەمەيگە جاڭا اكىم تاعايىندالدى

تاعايىنداۋ • بۇگىن، 11:57

الماتىدا 10 كىتاپحانا جاڭارتىلدى

ايماقتار • بۇگىن، 10:47

قازاقستان «قىزىل» ايماققا كىردى

قازاقستان • بۇگىن، 09:30

جىر بايگەسى مارەسىنە جەتتى

ادەبيەت • بۇگىن، 07:14

ونەرتاپقىش ورەن

ايماقتار • بۇگىن، 07:13

ساداق تۋرالى ساباق

ايماقتار • بۇگىن، 07:10

ۇقساس جاڭالىقتار