ەلباسى, پارتيا ليدەرى نۇرسۇلتان نازارباەۆتىڭ تاپسىرماسىنا سايكەس جارعىلىق قۇجاتقا پارتيانىڭ پارتياىشىلىك سايلاۋ – پرايمەريز وتكىزۋ تۋرالى نورما ەنگىزىلدى.
«سەزد قاۋلىسىمەن پارتيا جارعىسىنىڭ 2.4-تارماعى ەندى مىناداي مازمۇنداعى تارماقشامەن تولىقتىرىلدى: پرايمەريزدى – قازاقستان رەسپۋبليكاسى پارلامەنتى ءماجىلىسىنىڭ, بارلىق دەڭگەيدەگى ءماسليحاتتاردىڭ دەپۋتاتتىعىنا كانديدات ەتىپ ۇسىنۋعا ۇمىتكەرلەردى الدىن الا پارتياىشىلىك ىرىكتەۋدى وتكىزۋ», دەلىنگەن حابارلامادا.
پارتيانىڭ ءباسپاسوز قىزمەتى حابارلاعانداي, پارتيا جۇمىسىن «قايتا جانداندىرۋدى» ەسكەرە وتىرىپ, سەزدىڭ قاۋلىسىمەن 2013 جىلى قابىلدانعان ساياسي دوكترينا Nur Otan پارتياسىنىڭ ساياسي تۇعىرناماسى بولىپ وزگەرتىلدى.
ەستەرىڭىزگە سالا كەتەيىك, Nur Otan پارتياسىنىڭ كەزەكتەن تىس XX سەزى 25 قاراشادا ءوتىپ, ونىڭ بارىسىندا 2025 جىلعا دەيىنگى «وزگەرىستەر جولى: ءار ازاماتقا لايىقتى ءومىر!» اتتى سايلاۋالدى باعدارلاما قابىلداندى.
سونداي-اق سەزد بارىسىندا پارلامەنت ءماجىلىسى سايلاۋىنا 126 كانديداتتان تۇراتىن پارتيالىق ءتىزىم بەكىتىلدى. ونىڭ ىشىندە 77 كانديدات پارتياىشىلىك پرايمەريز قورىتىندىسى بويىنشا, 49 ادام ورتالىق پارتيالىق كۆوتا بويىنشا انىقتالدى.
العاش رەت رەسپۋبليكالىق پارتياىشىلىك سايلاۋ فورماتىندا وتكەن Nur Otan پارتياسىنىڭ پرايمەريزىنە 10 مىڭنان استام كانديدات قاتىستى. ونىڭ قورىتىندىسى بويىنشا 6253 ادام Nur Otan-نىڭ بارلىق دەڭگەيدەگى 216 ماسليحاتقا ارنالعان پارتيالىق تىزىمدەرىنە ەندى. وسى ورايدا پارتياعا 42 مىڭنان استام جاڭا جاقتاستار قوسىلدى. ولاردىڭ 1000-نان استامى پارتياىشىلىك سايلاۋعا قاتىسىپ, ءاربىر 3-ەۋى Nur Otan پارتياسىنىڭ تىزىمىنە ەندى.
پرايمەريز بارىسىندا حالىقتىڭ بەلسەندى قاتىسۋىنىڭ ارقاسىندا Nur Otan پارتياسىنىڭ 216 سايلاۋالدى وڭىرلىك باعدارلاماسى تالقىلانىپ, قابىلداندى. وندا ازاماتتاردىڭ 20 مىڭنان استام ۇسىنىسى ەسكەرىلدى.
