ستانسانىڭ بارلىعى 94 نۇكتەگە وتتەگىن تاۋلىك بويى قامتاماسىز ەتىپ, ساعاتىنا 6 باللوندى وزدىگىمەن تولتىرۋعا قاۋقارى جەتەدى. ATASAM/ OXL-600 ماركالى بۇل ستانسا تۇركيا ەلىندە جاسالىنعان.
اپپارات كەلەسىدەي كومپونەنتتەردەن تۇرادى: كومپرەسسور › كەپتىرگىش › الدىن الا سۇزگى › اۋا تسيستەرناسى › مەديتسينالىق وتتەگى وندىرەتىن گەنەراتور › مەديتسينالىق وتتەگى تسيستەرناسى › سوڭعى سۇزگى › قىسىم باقىلاۋشىسى. وتتەگى ستانساسى تولىقتاي قۇرال-جابدىقتارمەن قامتاماسىز ەتىلگەن. Unitronic ماركالى مونيتورىنىڭ جۇمىس كەرنەۋى 24 DC, ەكى نولدىك بايلانىس نۇكتەسى, 4,3 PLC ساندىق ديسپلەيى بار جانە تۇرىك-اعىلشىن-ورىس-اراب-پارسى قارىپتەرى ەنگىزىلگەن.
ورناتىلعان كۇننەن باستاپ 8 كىرىسى مەن 4 شىعىسى بار وتتەگى ءوندىرىسىنىڭ جۇيەلەرى جالپى توقتاۋ ۋاقىتىن, جالپى جۇمىس ۋاقىتىن, وندىرىلگەن وتتەگىنىڭ جالپى مولشەرىن, كۇنى مەن ۋاقىتىن باقىلاپ وتىرادى. سونداي-اق مونيتوردىڭ تاعى ءبىر ەرەكشەلىگى — وتتەگىنىڭ تازالىعى تومەندەگەن جاعدايدا ەكرانعا بەس تىلدە ەسكەرتپەلەر شىعادى.
وتتەگىنىڭ ءوندىرىس قۋاتتىلىعى ساعاتىنا 36 تەكشە مەتر. بۇل وتتەگى ستانساسى ناۋقاستارعا ەم جاساۋدا دارىگەرلەرگە ۇلكەن كومەك بولارى انىق.
